منتدى استراحات زايد - موضوع خاص فيكمـ يالشنبات ..!!

اممم .. الموضوع منقووول >> تبي تقول انها بريئه هع..:biggrin3::biggrin3:
أمتعتني قراءة هذا الكلام حقيقةً
ولو أني ما أحب أسب الرجاال :looking:

وتراي غير مسؤله عن الكلام اللي فيه وادري انه مو كلهم كذا بس الشر يعم..

تنهد محمد بشدة و هو يقود السيارة و بجانبه زوجته .. وسألها ' شفتي ذيك اللبنانية اللي في المحل وشلون تحاكي الرجال اللي معها؟؟ تهقينه رجلها ولا مخاوتيه؟؟

إلا رجلها شايفته يوم يلبس الولد جزمته بعد ما قاس عليه البنطلون

.
تجاهل ملاحظتها بالنسبه للتلبيس و تسائل بغباء:
وشلون؟؟
وش قصدك ..وشلون؟؟
ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي.
وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك

أولا :لو أقول لك ياحبيبي في المحل وطيت رجلي ..
ثانيا: الحريمه لابسه بنطلون جينز محكك ماشفت فيه أي بادرة شياكه
و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...مهوب مثلك إن كانك ذاك اليوم رايق و ذابحتك الرومانسية قلت إذا قضيتوا تراي واقف برا أحتريكمhttp://vb.vip600.com/images/smilies/x5x.gif..

ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح إطلاقا..

ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا... [ حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون (جدة ) سعوديين و أفتخر بهم جميعا .)

إلا أن الشغلة فيها بجاحة شوي . لا والله مهوب شوي إلا ' بجاحة بلا حدود'
.* أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.

صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هذي فوزية الدريع طول برنامجها وهي يا عيوني و ياعيوني ..'كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟

* تبي زوجتك تحترمك وتغنج لك و تقول لك سم ولبيه و انت ردك عليها 'ههااه ؟؟بمعنى نعم ' أو وش هنا ؟؟

أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان المرأة يقال لها 'سمي ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة ' سمي 'http://vb.vip600.com/images/smilies/shutup.gif

يا حليلك يالرجل ا السعودي عجيب وغريب و جرئ
*غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة سويس ارمي

*عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيفا و شتاء تدير و تاكل و تنام في اللبس السعودي الرسمي فنيلة بيضاء نص كم و سروال سنة .. ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن (هي تشتري مخفضة ليس تقليل من قيمتك و لكن لأن الأمل ضعيف في انك تلبسهم )

ياشباب!! ' الشياب توو ليت ماعاد فيه أمل يتعدلون' ّّّّّّّّّأنا متاكدة أن مافيه أنثى بتقول لها ' حبيبتي' و ترد عليك بجفاف ..الأنثى معطاء جرب تعطيها حنان و بترد لك أكثر .
الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة ..أصلا طبيعة الأنثى غيور و بتجاريك في لبسك تلقائيا ياإما حتى ترتقي لمستواك_ أو_ عشان ما تعرس.

ومثل ما يقولون الأمريكان ' إت تيكس تو

'
ذكرت سالفة طريفة و هي سالفة النجدية ' أم علي' اللي جتها جلطة http://vb.vip600.com/images/smilies/x118.gifعندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا ياهيش و يامره .. و عندما سألوا أبو علي عن سبب التغيير المفاجئ ..أجاب :
بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة http://vb.vip600.com/images/smilies/crazy.gifو حسبتني أنهبلت و بديت أقول لها يا عيوني ..

الله ياخذ الروح قبل المكروهhttp://vb.vip600.com/images/smilies/x92.gif

ارجو من شبابنا يتداركون الوقت ولا يبخلون بالكلام الزين والنظاااافه
بسكم طماله وجلاااااافه

نقلا عن ايميلي وتراني مالي دخل انا بريئه :looking: ~بريييييييييييييييييييييييييئه~ :looking:
وسلامتكمـ ..:hey: