منتدى استراحات زايد - رحلتي اليوم مع اميمتي وعيالي ترقب ومطاردة ثم برد وسيل وفرحة

http://i247.photobucket.com/albums/g...n/99977703.gif

من بعد صلاة الظهر عقدت العزم على الخروج بامي وعيالي ونشوف الخير
وعلى طول وبسرعة اخذنا غدانا
وبسرعة ادخل على منتدانا مكشات
واطلب من الأعضاء المشورة وماقصرو اللي قال رح الخرج واللي قال رح جهة رماح والطوقي واللي قال صلبوخ سايلة
بعد تفكير سريع قررت الذهاب لصلبوخ لقربه وبحكم الخبرة السابقة ان صلبوخ لين سال يقعد كم يوم
وعلى طول امر الوالدة الغالية واخذ عيالي الله يحفظهم
وعلى اصلبوخ وانا في الطريق اتخيل ان الشعيب يمشي واتخيل وانا على ضفافة انا وامي وعائلتي
ويوم اقبلت على الشعيب الا والمفاجأة الشعيب مايمشي ومنيقعات هنا وهناك
اخترت طلحة على جال الشعيب وتحتها منقع ماء
يالله العوض ولا القطيعة حتى من المفاجأة ماصورته قهرررررر
قلت في نفسي ان شاء الله يجينا خير وشوي الا والسدا بدا فوق راسنا وحنا نتغدا
واطمر من غير وعيي واشوف الا والخيال والنشو مقبل
فرحت وقلت فال خير بس مع الأسف كلها ربع ساعة والخيال مروح جنوب شرق بشكل سريع
قلت هذي ان شاء الله برديه بس مالنا فيها نصيب الله يجيب الخير
ابحث عن السبب ليش الشعيب مايمشي وامس جايهم مطر طيب تذكرت ان عندهم سد تحت الإنشاء
واركب السيارة انا والعايله على الأقل يشوفون السيل والسد وفعلا رقينا السد وفيه خير
بس هذا السبب بالعافية على اهل صلبوخ جعله يمتلي من الجال للجال وجعله يفيظ
ثم توجهنا لحريملا والقرينة وتمشينا تمشية سريعة على السد والشعيب طبعا السد فيه شوي
والشعيب ستوب
يالله الحمدلله على كل حال
وما ان توجهنا راجعين
الا واشوف ذيك السحابة ومن شكلها انها بردية
قلت لأهلي ابشرو بالخير جاء الفرج
وهذي صور ومقاطع للسحابة البردية
وسيولها الصور والمقاطع قليلة لأني من الفرحة قعدت اكل في البرد وانبهرت مع المناظر
ونسيت التصوير
ولا انس ان اشكر كل من اشار على او ارسل لي على الخاص

السحابة وحنا في حريملا قبل التوجه الى صلبوخ

http://i247.photobucket.com/albums/g...adh/barad1.jpg

http://i247.photobucket.com/albums/g...adh/barad2.jpg

http://i247.photobucket.com/albums/g...adh/barad3.jpg

http://i247.photobucket.com/albums/g...adh/barad4.jpg

http://i247.photobucket.com/albums/g...adh/barad5.jpg

http://i247.photobucket.com/albums/g...adh/barad6.jpg

http://i247.photobucket.com/albums/g...adh/barad7.jpg

http://i247.photobucket.com/albums/g...adh/barad8.jpg

http://i247.photobucket.com/albums/g...adh/barad9.jpg

http://i247.photobucket.com/albums/g...dh/barad10.jpg