منتدى استراحات زايد - الى الاخ اصيل حجازي وسوبر فتك وجميع من لديه خبره .. عاجل لاهل الاندكروزر

.

السلام عليكم ورحمه الله وبركاته

حبيت استفسر منكم وارجوا ان اجد عندكم الحل المناسب او التوجيه الصائب

عندنا لاند 2001 جي اكس ار تماتيك
كان فيه مشكله من زمان بالكهرباء مره تضبط ومره لا يعني احيانا الدرايش تفتح احيانا لا ولمبات القير الي بالطبلون مره تشتغل وغالبا طافيه بالذات لمبه D وبعد هالمطره الطيبه طلع عليه اخوي مشوار صغير ورجع يقول اني حطيته بالd بس علقت لمبة الريوس وهو يمشي وعلى فكره يقول دايس للابنز على الاخر ياله ياله يمشي شوي وطق القير طقه قويه وطفت لمبة الريوس وعشق الموتر علىd والحين طافي مايشتغل وشكلها بطاريه وجربت اشغله صوته له قرقشه وبعدها راح الصوت بس الموتر مااشتغل ....!!!!

يااخوان الي سبق ومرت عليه المشكله او يعرف حل او يدلني على ورشة ممتازه بالكهرباء ..

معلومات : زيت المكينه مغير من شهر هو وزيت القير وجميع السوائل ..

تحياتي لكم