|
صيد القميري ويومين بالصبخة>>>صور+فيديو بسم الله الرحمن الرحيم السلام عليكم ورحمة الله وبركاتة حيا الله المكشاتية كلن باسمة مالكم بالطويلة نعطيكم السالفة طلعنا يوم الإثنين 6/5/1431هـ للساحل الغربي وجلسنا تقريبا إسبوع ولله الحمد مانزل صيدنا عن العشرة ولا زاد عن الثلاثين للسيارة الوحدة وبيوم الخميس9/5 بعد ما وصل صيدنا 12 اللي تشوفون بالصورة مع أبو عابد الساعة 11:30 تقريبا حصل اللي تشوفون جا خوينا راعي الباترول الله يعطيه العافية يبي يجرنا ولاحيات لمن تنادي الوايرات تقطعت ولا حرك ساكن وتوهق بالأرض مثل ما توهقنا ونمنا لليلة الجمعة بالصبخة اتصلنا على سلاح الحدود وقالوا هذا مب شغلنا وبعد محاولات وتطلب جو وسحبوا الباترول وطلع الحمد لله لكن جا دور الفورتشنر ولعل الفورتشنر عزم جيب الحدود على الجلسة يالله إنك تحله وجانا راعي شاص 2005 ونش وكالة وطلع سلاح الحدود حاول يسحب الفورشنر لكن إنقطع الونش وجلسنا ليلة السبت وهي الليلة الثانية ويوم السبت جانا راعي شاص الله يجزاه خير مركب ونش 4 طن ونص وبعد المحاولات طلعنا الحمد لله الساعة 1 الظهر وأخذنا بيومين درس لا ينسى ونصيحة لا تلبس كم قصير بالشمس ( شف عاقبة اللي يلبس كم قصير بعد اليومين ) |
| الساعة الآن 01:01 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir