والله ان العشق ملعون الصلايب
 

كيف تجهل علتـي وأنـت السبايـب
معـك راح العـقـل والله لايــردّه
حاضر(ن) وسط العرب والعقل غايب
والصبر يانـاس واصـل عنـد حـدّه
والله ان العشـق ملعـون الصلايـب
يطرح العاشـق وياطـا فـوق خـدّه
والمصيبه عندي من اقوى المصايـب
لا شكيت الهـم صـدري بـاح سـدّه
والله اني قبـل اعرفـك كنـت تايـب
وقد نسيـت اهـل المحبـه والمـودّه
بـس عينـك صوّبتنـي والـذوايـب
ثم ذكرت علـوم راحـت قبـل مـدّه
مرحبا بـك مرحبـا عـدّ السحايـب
ياهـلا بـك وال؟؟؟ ملعـون جــدّه
القوافـي هبهبـت مـثـل الهبـايـب
والمشاعـر لجـل عينـك مستـعـدّه
شاعر(ن) وأكتب من افكاري عجايـب
وان تحدانـي زمانـي صـرت قـدّه
يامولعنـي معـه والقـلـب ذايــب
لاتسـوي بـي كـذا ليـه المـصـدّه
كان مخطي قول مخطي ما أنت صايب
وأبشـر بعـذر(ن) يجيـك وماتـردّه
الزعـل وش دخّلـه بيـن الحبايـب
لعنبـو مـن يرخـي الحبـل ويشـدّه
من هرج لك ماهرج غيـر الكذايـب
ليا انبنـا بيـت المحبـه جـاء وهـدّه
وانت غالي مالـك ومـال الطلايـب
ومن زعل يزعل ويشرب بحـر جـدّه
عقب عشقك شفـت فالدنيـا غرايـب
ميـر هـذا البـيـت ابعـيـده واردّه
والله ان العشـق ملعـون الصلايـب
يطرح العاشـق وياطـا فـوق خـدّه

ثانكس عالمرور يالغلا