|
استكشافيه لسيل الاحد في نجد النديه في البداية احب اقدم اهداء لاخي واستاذي القصيمي والصورة كانت العام الماضي في توافق توقيتنا هالايام تقريبا وهي لمطية القصيمي http://img104.herosh.com/2010/05/03/635744771.jpg احاول اني ما اطول عليكم بس بما اني ذكرت القصيمي لازم اذكر اخوي ومعلمي ساري 15 وهذا اهداء لشخصه الغالي http://img105.herosh.com/2010/05/03/584307924.jpg بدت الرحلة من البكيرية بتجاه دخنه وكانت الساعه السابعه من صباح الاحد الماطر وراح اعلق على كل صوورة بس الترتيب مفقود لاني الحقيقه اول مره انزل تقرير واتمنى يحوز على اعجاب الجميع مع العلم ان الرحله استمرت الى شعيب الخويش الشمالي مرورا بالغيدانية الي العمار مرورا بالمذنب وكانت الامطار مصاحبه لي ولله الحمد في البدايه ديمه على شعيب دخنه حوالي الساعه 10:30 الصباح وبعدها قبل مفرق الغيدانيه الساعه 11:30 تقريبا بتجاه نفي ضربت سحابه قويه وكان الماطر واحد الين العمار وجان اتصال من اخوي ابوحمد راااعي طمران يقول ان الشعبان والشغايا البين الغيدانيه والعمار كله تمشي وكان اتصاله حوالي الساعه 1:15الظهر بعد المذنب اصحت شوي وبعدها التم المزن وتوجه جنوب شرق وكانت الوجه لام حزم وبعدها لشقراء او للغاط لاكن بعد كبري ام حزم شقراء الغاط كانت المفاجاه في الانتظار ضربت سحابه قويه مشت كل الشعبان الي بطريق ام حزم اشيقر والحمد لله على امتنانه http://img105.herosh.com/2010/05/03/440867579.jpg شدي المنظر بعد الروضتين بتجاه الشبكيه واخذي هالصوره لهالشلال دورت عن كلمة تصغير شلال مالقيت طبعا الفضل بعد الله لوصولي لها المكان لاخي ابوحمد http://img104.herosh.com/2010/05/03/32178773.jpg وسط الرس وكانت الرس كلها شغايا تمشي http://img105.herosh.com/2010/05/03/750584435.jpg اول كبري بعد الرس وكان ممشى الشعيب في اوله يعني بعدها شد حيله http://img104.herosh.com/2010/05/03/150714787.jpg بعد كبري ام حزم بحوالي 15 كيلو بتجاه اشيقر ومبين قوة الهماليل http://img104.herosh.com/2010/05/03/29943569.jpg وهذا مكان الجلسه والغداء بشعيب الخويش الشمالي وكان يمشي ممشى قوي وكنت انتظر ساري 15 http://img105.herosh.com/2010/05/03/14707963.jpg وادي النساء وكان ممشاه طيب http://img104.herosh.com/2010/05/03/506253111.jpg صورة ثانيه للشلالات بع الروضتين والجو خيالي http://img104.herosh.com/2010/05/03/545165470.jpg شعيب دخنه وكان في قمة الجمال واليم مستمر حوالي ساعه الاربع http://img103.herosh.com/2010/05/03/304339467.jpg http://img104.herosh.com/2010/05/03/941494940.jpg الخويش الشمالي ويوم عن الف يوم في هالخويش http://img104.herosh.com/2010/05/03/798757239.jpg اناظر الموتر وطحن غبن واقول بنفسي متى بس يخلص الدوام عشان الحق على الخير والحمد لله على مايسر لي http://img105.herosh.com/2010/05/03/178979361.jpg صورة اخرى لشعيب الخويش وهذي اول ما مشى وسبحان الله مشى الشعيب بعد ربع ساعه سيل سيل الارض بشكل سريع وصارت الارض قزازه على قولت القصيمي http://dl101.herosh.com/8305d495a490.../________..jpg يازين طعم الماء لا تحليه ولا فلتر ربي لك الحمد http://img104.herosh.com/2010/05/03/406500258.jpg ايضا شعيب الخويش http://img105.herosh.com/2010/05/03/979683063.jpg اجمل مارات عيني واهديها لاخوي القصيمي http://img102.herosh.com/2010/05/03/259840756.jpg شعيب الخويش الشمالي يوم الاحد والله الفله اhttp://img104.herosh.com/2010/05/03/19216083.jpg اخر المشوار واتمنى اني ماطولت عليكم واعذروني على التصوير لانه جوالي العتيق الملاح الي يسميه ساري 15 العليم نسبة لموقف طريف حصل لنا حول جبل العليم تقبلو خالص احترامي وتقدير واحتاج تعليقاتكم على الموضوع عشان اتحمس واشتري كاميرا احترافيه وانتظرو مقاطع الفديو لنفس الرحلة في تقريري القادم |
| الساعة الآن 12:42 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir