منتدى استراحات زايد - نـــاصر الحريص وقصيدة سحاب الصيف،،،

ابطيت اخيل البـرق يابـارق اليـاس
...........واليـا تعـدت قلـت مالله ومـرهـا
من كثر ماعديت فـي راس نبـراس
.........اتبـع بروقـك وتخـبـر مطـرهـا
ماكنـي الا فـي صحاريـك عسـاس
.........عسى سحاب الصيف يسقـي دهرهـا
اضمت مطايا الشعر ياقاسـي البـاس
...........ومـع دربهـا الوبـال يتبـع اثرهـا
هيجنت للهوجاس .وابليس ... والناس
.........ماتـدري ان الله روحـي صخـرهـا
على غلاك اللـي بـلا حـد وقيـاس
.........بين الرجا والياس روحـي حصرهـا
لاتصنعين الشوق ...! بعيون جساس
..........من دون ذنـبٍ دووك عينـي دمرهـا
غادي ودور في صحاريـك نسنـاس
.........النفـس طابـت يامسبـب كـدرهـا
فـي حـزةٍ فيهـا المعاليـق يبـاس
..........هاضـت قريحـة شاعـرٍ ماعسرهـا
عنّ الخيـال وحـام فالفكـر قرنـاس
..........عينه علـى افكـارٍ توخـت حذرهـا
اسبوقه المسبـاح والارض قرطـاس
............حول بهـا والقـاع ضـاق بنظرهـا
وترجمتها بالشعر من قلب واحسـاس
...........وهـي كلمتيـنٍ بـس وبختصـرهـا
العبره اللي تعتـرض بيـن الانفـاس
..........ياليتهـا مثلـك عطتـنـي ظهـرهـا

للشاعر :ناصر الحريص،،،،