منتدى استراحات زايد - لا يافهـد لا جـاء بجوالـك أبــراجكلم علـى اللـي نفتخـر بـه ونفـداه

لا يافهـد لا جـاء بجوالـك أبــراجكلم علـى اللـي نفتخـر بـه ونفـداه

سلم سـلام ن حلـو صافـي وثجـاجوقـل للأميـر الـذود برعـايـة الله

بأمرك جهمنا السبـت ناويـن منهـاجناويـن نبعـد عـن مراحـه معشـاه

مع خشـم بـرق ن ذيبهـا بليلهـا داج(غمره) جنوبه كنـك تشـوف ممشـاه

متنحر ن مابين (سلمـى) و (فرتـاج)ومغيب شمس الصيف مابيـن أجحَـاه

عشًى وعقلناه خـوف مـن الاحـراجلاينكف .. ويوم أصبح الصبـح قدنـاه

قمنا على طرش ن بلونه كمـا العـاجوتال المتالي ان خفـت خطـاه نـدراه

وضح ن وبرها ناعـم ن تقـل ديبـاجوأرقابهـا تزهـا بمغـزل وعـرقـاه

وطفنا ضواح (العش) ضلعان وفجـاجو جينا لـدار ن باسـم اهلنـا مسمـاه

(غار ابن ناحل) مذري الضيف والحاجحجـاج بيـت الله تشـكـر صنـايـاه

شبعوا (بملحاء ) اللي مثل مـد هـداجحتى كتـب (لنـدن) تسطـر مزايـاه

ويوم اعترضنا ضلع (اجأ)كنـه سيـاججينـاه مـع (المختلـف) ثـم عبرنـاه

سقنا بممشاهـن تقـل سعـي حجـاجلادرهمـوا بيـن الخطـوط المسـواه

لاهـن بقصـار ن ولاهـن بهـجـاجحذرا المزاول... سوق بصياح واوداه

وعشن بطيـن ن زاهـي ن للتفـراجمقيضنـا اللـي قاصدينـه وصلـنـاه

ربله .. وجنبه .. والنصي له تبهـراجكنـه ذهـب... يـوم النسايـم تمثنـاه

وعرفج .. وعاذر .. والسبط كنه علاجلكبودهـن والرمـث.. فرحـن بلقيـاه

وأنـا لقيـت بوسطهـن فلـة حجـاجربيـع قلبـي وانتعـاشـه وسـلـواه

فرقا الشوارع .. والبواري.. والازعاجوشوف الخضار وسجة ن فـي ثنايـاه

أحد (بجرش)صيف والآخر (بقرطاج)وأنا بدوي ن لي مـع الـذود مشهـاه

وش عاد لو جت جبهتي كنها الصـاجبياض وجه الرجل مـن طيـب يمنـاه

والا الردي لو حط (واقي) و (مكياج)والله مايبـعـد ســواده ويـجــلاه

يالله عسـى مالـه مـع العالـم انتـاجويالله لا تكـثـر بخلـقـك حـلايـاه

ودك يصيـر الرجـل للبيـد بــواجأمـا بمقـصـد شـغـل والا تنـفـاه

وأنـا بطبعـي ماعشقـت التـخـواجمشتال معي (عقال ناقـه) و (تـوداه)

ماحلت في (معزا) ولا حلت (بنعـاج)عاني بذود ن تعجـب العيـن رويـاه

ماهو ردى.... مير الغلا بخافقـي لاجللنوق ... يسلم من لهـن مالـه أفنـاه

جزل العطايا اللي على هامتـي تـاجراع السخاء والجود والوجـه والجـاه

كم شيخ قوم وشاعر وشخص محتـاجمـده قـراه وشرهـه ملـي مخـبـاه

وياكم خراج ن ماطلب منـه مخـراجماهـو ريـاء .. يتبعـه منًـه ومـأذاه

في شوف عيني ذي بجيـوب الأدراجبالاسم .. والتاريخ .. والقيمـه أعـلاه

وان كنت شاهـد زور فالحكـم فـلاجعسـى مكـانـي يـامـلا ماأتـعـداه

وأنا أحمد الله لا صعب وضعي وهـاجأبـوي .. بعـد الله ملجـاي بحـمـاه

نور ن يبين اليـا اظلـم الليـل وهـاجأستانس بروياه وأمشـي علـى هـداه

يـارب يالمعبـود يـاوال الأفــراجتبقـيـه وسـهـوم المنـايـا تـعـداه

يالله تديـم اللـي علـى روسنـا تـاجاللـي مـع الأجنـاب نفخـر بطريـاه

وليـا فهـد وصًـف بتنفيـذ واخـراجوقله تـرى يـوم الخميـس انتحـراه

وقل للذي ناوي على القيـض منهـاجمن عند (موقق) كـان تصمـل نوايـاه