منتدى استراحات زايد - دلوني على أفضل ورشة توضيب في الرياض للباثفيندر؟

بسم الله الرحمن الرحيم

حياكم الله إخواني جميعا وشاكر لكم مقدما مساعدتي.

أعزائي معي باثفيندر 2004 من أول ما اخذته من سنتين ونص وهو ينقص أولها نقص بسيط ثم تحول إلى نقص فضيع لا يحتمل ثم صار يدخن ولعلي قصرت عليه بالزيت شوي إلى أن جاء يومه المحتوم و أنا راجع من الدوام طلع صوت بالمكينة وديته للصناعية وقالوا عمود كرنك واللحين له إسبوعين واقف قدام البيت فشاورت بعض الإخوان المهتمين بهالأمور بين تغيير المكينة أو توضيبها فشاروا علي بتوضييب المكينة وعزمت على ذلك.

لكن بقي الورشة ودي استشيركم عن الورش في الرياض اللي يكون شغلهم ممتاز ومضمون وسعرها معقول.

آمل أن ما أكون طولت عليكم واتمنى منكم الإفادة قدر الإمكان.

وشكرًا

أخوكم المحب لكم بلا ريب والداعي لكم بظهر الغيب
النادر