منتدى استراحات زايد - قصتي امس صباح الثلاثاء

السلام عليكم
اخواني في منتدى مكشات القصه باختصار
خرجت امس الثلاثاء الصباح الساعه 7 وكنت متوجها الى اطراف الصمان
المهم خرجت من الرياض وشايل البنادق معي ساكتون 28 وخرازه وشوزن بلجيكيه و3 علب فشق شوزن وعلبة فشق خرازه .... ومن عاداتي والحمدالله عند خروجي من المنزل حتى مفرق الطوقي اقوم بقراءة الاوراد وأكثر من الاستغفار ( وعلى هذا لست متدين بشده ولا داشر.. وسطي )
وعند نفق الفروسيه بجانب الجنادريه فوجئت بتفتيش في وسط النفق الساعه السابعه والنصف وكانت جميع البنادق والفشق بالمرتبه الخلفيه من السياره ولاتوجد معي عزبه كثيره لأن طلعتي كلها 8 ساعات
والمشكله الكبيره والاعظم لاتوجد تراخيص للبنادق
المهم كان التفتيش امامي دقيق جدا .... عاد انا قلت الا ياتركيني على شخصيتي (لابس طاقيه والشماغ والعقال حالتهن على المرتبه وعاض المسواك :good2:
قالي الرخصه والاستماره ( طبعا بغيت اقوله البنادق ماهيب لي :) بغيت اجيب الطاعه الاشوي :( قالي اسفط على جنب الله لايهينك قلت ابشر
المهم جو يم السياره .. وسبحان الله كنت مازلت استغفر ربي واكثر من الاستغفار
وفتشو السيار تفتيش دقيق واستغربته وكنت ساكت واقول بيني وبين نفسي مع السلامه يالبلجيكيه ماهمتني الخرازه ولا الساكتون :(
بس والله ياجماعة الخير في ذلك الوقت مازال لساني يذكر الله والحمدالله
والمصيبه كانت علب الفشق فوق المرتبه وفتحها وصكها وكنت مغطي البنادق في بطانيه على بالي مغبيهن وشال البطانيه عن البنادق واجزم انه شاف البنادق والفشق بس سبحان الي جا غمام على عيونه
واستغربت بعد 5 دقايق من التفتيش
قالي تفضل الرخصه والاستماره ... فقلت له ياخي انتم حقين سرعه ولاتفتيش قال حقين تفتيش
قلت وش تفتشون عنه قال اسلحه قلت بس اسلحه قال اي شي تطيح عيوننا عليه
فسبحان الي حماني منهم وأعمى عيونهم
فقلت في نفسي كثرة الاستغفار هي الي انقذتني ولا انا ماعندي سالفه لا انا ولا مغباي
والله ياجماعة الخير هذا الي صارلي امس الصباح
والحمدالله على كل شي
اخواني تكفووووووووووون لاتنسون ذكر الله وقراءة الاوراد فهي تحميكم بأذن الله من كل مكروه
وأسف على الاطاله
بس والله من هول ماشفت قلت ابقولكم سالفتي