المنافذ ودخول الطيور
 

السلام عليكم اخواني عندي طير تعور في الربطه وشيله واروحبه الصبح للبحرين قلت اقربلي وثاني شي قلت اكيد على كثر ماسمعناء عن الفسح انهم بتغاضون عن الطير ماطول عليكم اتصلت في الدكتور علاء وارسل لجمارك البحرين فاكس بالسماح بدخول الطير وكانو جمارك البحرين متعاونين معي الله يجزاهم خير ولاخذت ربع ساعه عندهم الا دكتور المحجر جاي فتح الباب على الطير وقع بالسماح
وخذت صوره بالسماح مسجل فيها التاريخ واليوم
وكشفت عند الدكتو في المحميه ورجعت وصلت الجمرك وفتش والطير على السيت وراء ويحولني على رائيس الفتره وقال هذا الشخص معه طير الا رايئس الفتره وسيع صدر قال مهرب الطير قلت لاوالله الا مدخل الطير من السعوديه وهذي ورقت جمرك البحرين وبتاريخ اليوم حاطه على المرتبه الي وراء قال طيب الطير بنحوله للمحجر وتفاهم معهم وروح للمحجر ولا فيه واحد الضاهر انه دكتور في المحجر سالني وش عندك قلت طيري احتجت الدكتور في البحرين ولما رجعت قالو مايدخل ونحولك للمحجر قال نعم ممنوع اي طير يدخل السعوديه قلت ياخي سمعنا انهم اسمحو ويطلع التعميم ويعطيني اقراه واقنعني

وينص على منع دخول الصقور من اي منفذ الا ان يكون الطير معه رخصه موافقه من الحياه الفطريه

نجي للموافقه على حسب كلامه يقول هذي تقدم على طلب ومن شروط الموافقه ان يكون الطير له شهادت منشاء من الي بيعطي على الوحش شهادت منشاء
قلتله الطير برجعه للبحرين وقال كيفك وديته ورجعت وماجاء المغرب الى الطير عندي في السعوديه
وشلون دخل الطير اهم شي عندي وصل
اخواني ترى ما اسمحو اللحين بدخول الطيور والي يبي يتاكد يمر المحجر في جسر اللملك فهد ويقراه ترى لاطلبه يعطونه يقراء عشان يقتنع