|
ياشباب اضحكو من قلب على اخوننا راعيين السلق--- يحسبون نفسهم في محميه :( خطرت لي فكره قبل وقت بسيط اني اسوي محمية ارانب قريبه من منطقة المزاحميه طبعا ارض فضا وسيعه وفكينا تقريبا اكثر من عشرة اجواز ارنب وهي من ارانب الخوبه في جيزان 000 اليكم الموضوع المضحك بعد اطلاق سراح الارانب وجدنا اثنين معاهم كبوس وسلقان وطايرين يوم شفناهم انا وصديق لي قلنلهم وش عندكم قالو ندور جرابيع وقلت عسا حصلتو قال واحد منهم ابشرك طرحنا ارنب وخمس عدنات من العصر لين الساعه 2صباحا مشالله عليكم قال صديقي لهم فالكم الظبي انشالله 0 ومع تبادل الحديث 000 ظهرة علامة استفاهم على رؤوسهم قالو ياشباب ليكون حنا في محمية المزاحميه اصابني السكوت والخرس بعد ماشفت الارانب مفغصه معهم 000والي يزيدك قهر ماهم مذكيينها يعني راحت فطيس وابو الشباب يقول بكلها لونها جيفه وجالس يضحك ههههههه شفتو القهر مافي شي يتربا في السعوديه الا اذا كان في استراحه او مزرعه تقبلو تحياتي |
| الساعة الآن 10:57 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir