ادخل واقرى
 

اليوم انا حبيت أقوللكم سالفة بشكارتنا الصرااااحة عورت قلبي




مرة كنا يالسين وكانت البشكارة تسولف معاي بعدين سألتها انتي عندج عيال؟؟ سكتت ودموع في عينها قالت لي هيه عندي ولد وبنت الولد عمره سنة ونص والبنية عمرها 3 شهور...
بعدين سألتها ليش هديتي عيالج ويتي هني على أقل لما تكمل بنتج سنة...
قالت لي انا عايشة عند هلي وريلي سافر كوريا علشان يشتغل
وهلي فقارة ما عندهم فلوس .. وبعدين سكتت وتمت اتصيح.... ((وانا قمت ايبلها كنينكس عشان تمخط)) المهم
قلت لها خلاص ما في داعي اعرف السالفة اذا هذا الموضوع يجرحج .. قالت لي عاادي وكملت السالفة وقالت انا ما عندي فلوس عشان اييب حليب ارضع عيالي وقالت بعد انها يابت البنت في البيت ما قدرت اتروح المستشفى علشان ما عندها بيزات قلت لها معقول كل عيلتج ما عندها فلوس مستحيل؟؟؟؟!!!!!
قالت لي عندهم بس هم يكرهون عيالي وما حد يحبهم غير أمي....قلت لها ليش ((من باب الفضول))
قالت لي انها تزوجت غصب عن اهلها لان اهلها كانو يبون يزوجونها لابن جيرانهم وهي ما تبا المهم تزوجته وبدى المشاكل مع اهلها وكان ابوها كل يوم يجي بيتها ويهزأها هي وريلها وبعد كم شهر قررو انهم ينتقلون بيت ثاني وما حد يعرف عنوانهم راح ابوها كلم شرطة وعرف العنوان ونفس الشي تم يهزأها وقالت لازم تطلقين وبعد كم يوم عرف انها حامل بعدين هون عن الموضوع الطلاق وبعد ما ولدت الولد كان ريلها يشتغل ويب الفلوس علشان يطعميهم المهم بعد سنة يابت البنت وبعدين ريلها اتفنش من الشغل وسافر كوريا يشتغل وهي تمت بدون شغل وراحت عند اهلها تسكن وما عندهم فلوس طبعاً فيت هني علشان تشتغل وتحول فلوس كل شهر لعيالها
الصراااحة انا ما اعرف شو اقول يعني هي شو ذنبها هي وعيالها يعني ياية هني علشان 800 درهم تاخذه في شهر يعني هذا المبلغ اكييييد ما يكفيها هي وعيالها
ما اقول غير حسبي الله ونعمة الوكيل
ردوووودكم