منتدى استراحات زايد - بسكوت بالايسكريم

بسكويت بالايسكريم

المكونات :
1- بسكويت نبيل ( شاي) حسب الزياده الي تبيه
2- (2) قشطة بدون عسل
3- (2) دريم ويب
4- (1) عصير الاناناس ( اريج او خوخ )
5- (1) كريم كراميل ( ناخذ لونه مو العسل ماله )
6- (1) ماي
7- ( 2) حليب مكثف ( بالفنجان )
8- انواع الخضروات (مشكله )
9- (3) وشوكلاته ( شوكي شوكي )
10- (2) فستق حلبي مطحون

الطريقه :
1- ناتي بسحن دائري ونضع عليه دريم ويب والقشطة والكريم الكراميل لا تضعي العسل ضعي الي فيه الكيس لونه ابيض ضعيه هو فقط لكي يعطينا لون اصفر مثل لون الايسكريم وحليب المكثف واخلطيهم مع بعضهم البعض حتى يتمازج ويصبح لونه اصفر غامج وبعدين ضعي الماء قليل فقط مو كوب كامل تصبينه بس شوي عشان يجمد وياج انتهينا من الايسكريم ونشله ونحطه في الثلاجه 30 دقيقه عشان يطلع مذاقه حلو
2- وناتي الان بالخضروات مثل تفاح والمانجا وابو الشعر الي لونه اخضر نقص التفاح الي اجزاء صغيره والمانجا نقص اجزاءه بالطول اجزاء طوليه بس حجمه يكون بالعرض صغيره واما ابو الشعر نقصه اجزاء دائرية وخلصنا من الخضروات
3- ناتي الان بالعصير الاناناس وناتي معه سحن زجاجي وبسكويت نبيل الايسكريم الي في الثلاجه
4- الحين نجيب البسكويت نبيل ونغمس بسكويتين في العصير بسرعه نطلعه ونحطه في السحن مثل جيه سوي وبعدين يوم تخلصين السحن وتحطين عليه البسكويت بس تسوي كل بسكوتين وراح يعطينا طبقه يوم بيعطيج طبقه هاتي الايسكريم وصبيه فوق البسكويت مو تصبينه كله بس شوي وهاتي ملعقه وسوي الايسكريم بكل جزء في البسكويت يوم تخلصينه ويكون كله فيه الايسكريم روحي بعد سوي طبقه ثانيه من البسكويت نفس اول الي سويناه وغمسي البسكويت في العصير وحطيه فوق الايسكريم الي صبيتيه يعني سوي طبقه ثانية وصبي فوقه ايسكريم ويوم تخلصين وتسوين طبقات
5- في النهاية هاتي الخضروات الي قصيتيه وروحي هاتي التفاح وحطيه باماكن متباعده يعني بكل حافه فيه جزء من التفاح وهاتي المانجا الي قاصتنه بطول وحطيه قرب التفاح يعني في النص بين التفاح سوي مثل جيه بالباقي اما ابو الشعر الي قصيتيه دائري حطيه بالنص وسوي عليه دويره وبعدين هاتي الكافي شوكي شوكي وزينيه على التفاح

واخر شيء اقول لكم صحه وعافيه وتكون على بطونكم هانيه وانشاء الله تعجبكم

خويتكم