سـألك يا ربي الكــريم الواحــد الفــرد الصمــد
يا عالـم اســرار المــلا و اللي خفـى في غيبها
يا منشــي عظامــن رميمـه باليـة وسـط اللحــد
يا منشي مزون المطر مـن رحمته يسقـي بـها
يا غافـر ذنـوب العبـاد ان كثـرت و زاد العــدد
حنـا بجـاهـك عـن ذنوبن لـو خفـت تـدري بها
لا هـاظ قلبـي تحت الاضلاع و تململ ما ركـد
والنفـس مـن جـور الليالي هاجـسي يسري بها
شّليـت قافـن من خفوقـي يرهـش ارهاش البرد
لا من غشـى الخــدان خـلا وردهـا يزهـي بها
مـن عقبـها يا طيـر ياللـي فـي جناحيـك السعـد
يا كـم ديـره لا بغيـت تـزورهــا تضـوي بـــها
يا طيـر تسلـم خـذ امـانه و انتحـي ذيـك البلــد
و انشـد عن اللـي بخافقـي له منزله يدري بـها
خــــــذ سلامــي لا لفيت الديره انشد عن فهـــد
الشمري اللي عاشقن طرق الوعر يمشي بـها
عنـده تريـّح من سفـرك اليــا تناوشــك الجهــد
بـديار شمــر حايــل اللــي تنـذكـر فـي طيـبها
قلـه ترا خـالك علـى خبـرك ولا ينسـى العهــد
تربـاة عــود المرجلــه و الطيبـــه يغــدي بـها
وكان انك في ديره تحس انك وحيدن دون احد
الصيـد لويكثـرجفـل لامن عـوى اشهب ذيبـها
لاتحسـب حساب الوجيه اللــي بهــا عنك صدد
سمح الوجيـه تقدرك واحــرص على توجيبـها
و البنّــدق اللــي ما تثــور مـا نفــع فيــها ســدد
والصيـده اللـي ماقســم ربك فــلا بتصيبـــها
و الطيـــر ياللــي ما يفج الريش في وقت الهدد
لاتنقلــه كـان المخالــب ثلـم ما يدمـــي بـــها
و الصـاحـب اللـي لا نخيتـه باللـواكـز و استند
حرصــك تبيع بعشـرته يا خـال او تشري بها
و الـلاش لا منـه حضــر او غـاب ما ظنـه فقد
و الغانمــه لو مــات راعيـها البشر تحكي بها
لا تشتكــي جـور الليالـي لـو يطـول بها السهد
ما دام عــذالك تمنــى شكــوتك يســري بـــها
ياطيـر قلـه عقبـه انـه دوم جــــوي فــي نكــد
و اقرالــه ابياتـن عسـى ربــي يجملنــي بــها
وختـامهــا باللـي بعثــه المعتلـي واحـد احـــد
رسولنا اللـــي للشفاعــــه كلــنا نرجــــي بها