نسيان 1998 ديزل للبيع
 

يالربع صلوا على النبي ابعرض لكم موتري ومواصفاته كالاتي :
ـ الموديل ثمان وتسعين اخضر زيتي مع ذهبي مكيفين وثلاجه
ـديزل ترهيم شغل ابوفيصل العتيق ببريده
ـ به سمكره في الباب الي خلف الراكب بسيطه وللامانه من يوم شريته وقايلي راعيه عنها
ـ موتر مقناص من الدرجه الاولى ( يايات استراليه ـ تانكي ماء 100 لتر ـ ماطور هواء مثبت عباره عن كمبرسور مكيف يعبي الكفر في ثواني ( قوي جداً) ـ طبق به مكان ثلاجه ( لاني ناوي اخذ ثلاجتي لو تموتون مابعنها معه ) ـ محول كهرب مثبت داخل الغماره ـ مكان بطاريه اضافيه جاهز ماعليك الا تركبها لاني فاكها هالحين ـ يوجد اسلاك وتمديدات للجهاز الكنود والثلاجه جاهزه ـاربع كفرات بالون )
ـ استماره مطوفه ولافيه فحص
ـ حالة البدي طيبه والمكينه تحتاج الى توظيب او شمبر القير على الشرط مع الدبل وباقي المحركات والمكيف لمس والممشى 390000 كيلومتر بس اغلبها يوم كان بنزين
والصور الي صامل يراسلني واعطيه الصور والا اذا لقيت فرغه نزلتها

البيع لغرض شراء موديل 2006 ومافوق ديزل طبعا ونيسان طبعا والي يخبر لي تكفون يعلمن

شاكراٌ ومقدراُ لكم