|
رحلتي لمنتزه وادي حنيفه ! السلام عليكم في هذا اليوم الممطر على مدينة الرياض .. وان كان فيه بعض الغبار بس هالمطر غسل السماء منه المهم .. طلعت انا وزوجي .. باللغة العربية تركب للذكر والمؤنث لا احد يتفلسف :d طلعنا لوادي حنيفه الموجود بجنوب الرياض كل شي كان حلو .. الجو .. المنتزه جيد بصراحة .. خصوصاً البحيره والبط او البش داخل البحيره .. جو جميل وهدوء ساهم بوجوده بشكل كبير شكل الاضاءه الخافت .. وان كان لي ملاحظة على الاضاءة .. اتمنى ان تزاد حبتين .. يعني تزاد شوي .. بس .. فيه بعض السلبيات اللي شفتها .. ضيقت صدري شوي .. (( بعض السلوكيات )) - بعض الناس معاهم دفوف وطيران كننا في حفل زواج .. وتسمع طق طيران من كل الجهات .. وهذا شي طبعاً مو حلو .. البعض يخلط بين المنتزه وبين مخيمات الثمامة هههه من جد كان ازعاج صراحه .. - لاحظت بعض السلوكيات الثانية مثل غناء بعض الشباب العزاب بصوت جماعي وعالي ومسموع من الناس وهذا يخدش السلوك العام ويخدش احترام الاخرين وخصوصياتهم .. - الوضع خليطي .. الشباب مع العوائل .. شباب معهم معسل جالسين بجوار العوائل .. اتوقع ممكن ينضم بشكل احسن في المستقبل . ( اتمنى وجود الهيئة ) للقضاء على الظواهر السلبية خصوصا من العزاب .. (( سلبيات في المنتزه نفسه )) - عدم وجود الاجهزة الامنية خصوصا في حالة الغرق لا سمح الله .. - عدم وجود مسطحات خضراء .. وجود بعض المستودعات والاستراحات في مداخل المنتزه مشوهه للمنتزه .. اتمنى وجود خدمات ترفيهيه في مدخل المنتزه مثل ( كوفي شوب ) ( مطاعم ) ( اسواق مواد غذائية ) .. عموما يظل مشروع (( حلم )) بصراحة ورائع جداً واتمنى تطويره اكثر واكثر .. وما اقول الا شكرا للامير سلمان على هذا المشروع والمتنفس للرياض .. اتمنى من زار المنتزه وعنده ملاحظات يكتبها |
| الساعة الآن 08:12 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir