منتدى استراحات زايد - الفزعه ياهل مكشات ......دلوني

السلام عليكم ورحمة الله وبركاته
مساكم الله بالخير

اخواني اهل مكشات الكرام
تواجهني مشكله ماعرفت لها حل الى الان من شهرين او اكثر
المشكله هي
سيارتي باثفندر موديل 2003
القير عادي
المشكله هي انه في بعض الاوقات اذا شغلت السياره
يطلع من الشكمان دخان ازرق كثيف
في بعض الاحيان خاصه عندما امشي بسرعه اعلى من 130 كم واطفي السياره وارجع اشغلها بعد ساعتين او اكثر حتى لو بعد 8 ساعات
واحيانا مايطلع
مع ملاحظه ان الزيت ينقص بكميات كثيره احيانا علبتين
رحت لكذا ورشه بالرياض
اثنين فلبينين يقولون رح اعمل لها فحص بالكمبيوتر
ورحت للفحص قالو الفحص مايطلع المشكله لان الفحص يكشف الكهرباء
بعدها مريت على سوري قال لي انها ياجلب مكينه يابلوف
وانا والله يالاخوان محتار
فاتمنى منكم ياهل الباثفندر اللي يعرف حل المشكله بقولي هنا او بالخاص
واتمنى منكم اللي يعرف ورشه ممتازه وعليها الكلام سواء بالرياض
او القصيم يعطيني اسم الورشه وموقعها
مع العلم ان احد الزملاء ذكر لي ميكانيكي سعودي بالرياض بس ما اعرف موقعه فمن لديه خبر بمووقعه فليذكره
وجزاكم الله خير

اتمنى عدم الرد على هذا الموضوع الا الذي عنده العلم بالاعطال واتمنى اجتناب الردود الجانبيه
مودتي ومحبتي