|
الشريدة :أقفي عن اللي باالمجاليس ذايوع / لطاح في علمٍ على الناس شاعة عبدالسلام الشريدة قصيدة يعاتب فيه من يسب اهل الطيروالمقناص مسندها لابن عمه الله من همٍ على القلب موضوع يمشي بوسط القلب مشي الزراعة أوصفة بالكون في يوم ميقوع يوم التقوا جمعين وقت المجاعة كلٍ خذا له بالمحاصيل قرطوع وراحوا وجت عقب التجمع قطاعه همٍ عسا الله يفرجه عننا طوع فكري يابن عمي تزايد اوجاعة أسباب شي صار بالناس مزروع أليا قلت حول حيل زاد ارتفاعه عجزت لأصبر ياعضيد على الجوع ودي بشبعه علم يعطي قناعة قالوا تجوز امن الولع اترك السوع وقالوا حياتي رايحه في ضياعه وقالوا نصيبك من غلا الطير ممنوع وقطع الفيافي ماوراها شفاعة وشارو علينا نفتتح أي مشروع شورٍ ماهو رأي وربي وداعة صارت حياة الناس تابع ومتبوع ولانيب تبعٍ دام لي استطاعة صارت حياة أحساب وقروش وجموع صارت حياة كل أبوها صناعة والطيب بالدنيا دنانير ودموع والناس غفلٍ ماتعرف الولاعة قلت اتركوني بيدي الطير لاموع هواي بالفرجة يزود اتساعه من خلقتي حبيت شالح ومشلوع يومي مع الشياب وقت الرضاعة اتبع أرضاهم وادعي الطير وافوع وركض ورا الجره بعرف وبداعة اخذ أعلوم الطيب بالكم والنوع واعرف مكارم من يصون الجماعة وأنا عن اللي يتبع العيب منزوع وابعد عن اللي تعرفه من خداعة وقفي عن اللي باالمجاليس ذايوع لطاح في علمٍ على الناس شاعه من فضل ربي راعي الطيب مرفوع اللي عرف ربه وحبه وطاعة من ساس قومٍ وقفو في سنة جوع والطيب عرقٍ مايصير انقطاعه عطني نظرك وراعي الراى مطيوع ورأيك يابن عمي تراه الوداعة اتبع هوى الدنيا مع الناس ببيوع واترك هوي قلبي وليبه قناعة ولامعك أنحسب الوقت بطلوع عقبة نشوف أسهيل باين شعاعه ونسر أطيور الحباري بجربوع وان جاء الهدد قالٍ سمعٍ وطاعة عجل برأيك لتمضي له أسبوع تراى عجلٍ ياالسنافى بصاعه وصلاة ربي عد ماكبر أجموع على نبي دين الإسلام ذاعة صح السان شاعرها / عبدالسلام بن سليمان الشريدة |
| الساعة الآن 01:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir