منتدى استراحات زايد - مراوج كهرب وفرارات..وانا مدري وش السالفه!!

السلام عليكم
اسعد الله اوقاتكم
يا اخوان انا اسمع عن المراوح والفرارات اللي تركب على الجيب ولكن ما اعرف شي عنها البعض يقول انها مفيده للسياره والبعض يقول ما تغير شي وانا ما ادري وش الصحيح وقلت خلني استشير الشباب في المنتدا هم اللي بيعطوني العلم الوكاد .
انا معي جيب نيسان ربع و ودي اركب له مراوح لكن ما اعرف وش المراوح المناسبه و من يشتغلها زين انا موقعي الرياض فاللي عنده علم لا يبخل علي به الله يجزاكم خير.
والشغله الثانيه هي الفرارات ..
قبل كل شي يا ليت احد يشرح لي كيفية عملها واكون له من الشاكرين و هل صحيح ان فيه فرارات مخصصه للنيسان يعني تجي اصليه يابانيه ؟؟
و ماهي الانواع الموجوده؟و وش افضل شي ينفع للباترول الربع؟
ولو حصل نبذه عن الاسعار فتكونون احسن ناس في الحته.
طبعا مثل ما قلت لكم انا في الرياض وابيكم تدلوني على ناس في الرياض
الله لا يهينكم ويجزاكم خير ويبيض وجيهكم
والله يجمعنا واياكم و والدينا في جنات النعيم.
والمعذره على الاطاله.