منتدى استراحات زايد - بغينا نموت غرق في وسط الرياض ...لاحول ولاقوة الا بالله(رحلة الموت)

السلام عليكم ورحمة الله وبركاته ..

يااخوان انا احب اني اختصر الكلام دائما واعطيكم المستفيد ..انا اليوم رحت النفود اللي حول الطوقي وتغدينا هناك وكان الجو رايق جدا ..بعد ذلك جلسنا الى صلاة المغرب ثم مشينا طبعا جتنا عجه ومطر في نفس الوقت وحنا داخل النفود..طلعنا على الخط ..المهم ان دربنا واحد ..فاتني انا الدوار ولا رحت مع اللي يوديني حول البيت..المهم خويي راح يم بيتهم ..موتر خويي ددسن 2008 دفرنس..وموتري هايلكس 2006 دبل ..عندما وصلت لدوار ماادري يودي على وين ..شفت الناس واقفه ..الدوار اللي دخلنا معه انا اسميته في دفتر الذكريات دوار الموت ..السيارات وقفت واكثرها تعطل ..وعوايل يبكون وخايفين ..تدروون ليه ..شفتوا الفيضان اللي جاء جده والله مثله والله ارتفاع الماء عند موتري وانا دفرنسين (ماشاء الله) ان المويه تقول موج على الكبوت وانني ايقنت بالهلاك ..ومعي اخوياي والله اننا نتشهد من الخوف ..والكلام هذا كله اليوم يوم الخميس 1/5/1431هـ
دخلنا من الشارع العام على حاره وفوجئنا بــ(التاهو) المنقلب على خشمه من السيول اللي فالحاره ..
وتشوف الخوف في قلوب الناس ..بعدها توكلنا على الله ومشينا وطلعنا ..سالنا واحد قلنا وش اسم الحي ...قال هذا حي النزهه ..والكلام هذا كله من حي النزهه ووراجع جهة الدوار..بعدها واصلنا المسير الى ان وصلنا الى طريق الملك عبد الله اصبح على يميننا سوق (حياة مول) طبعا الخدمه واقف وفيه دفاع مدني ..طلعنا مع الناس مع جهة المواقف وشفنا المشكله ..لا حول ولا قوة الا بالله ..سياره صغيره اظاهر(كرسيدا)دخلت جوا الارض وراها باثفندر دخل خشمه وراها ..وتشوف شكل السياره وشكل التنده على مستوى الارض وتقول فيه خسف فالارض..الكلام كله ان السيول ونشب المواتر ماهو فالبر بس حتى في وسط الرياض ..ياناس وش اعددتوا ليوم الميعاد ..والله اننا مقصرين ..وبقوه ..الدنيا ماتسوى جناح بعوضه ..حرام انها تلهيك عن الاخره..ياناس تكفوووون انتبهوا انتبهوا انتبهوا وفكروا في لحظة الموت مثل ما انا ذقتها ..وانا احمد الله انني مازلت عايش ..
اتمنى كل التوفيق والهدايه لاخواني في منتدى مكششات وماقلت السالفه الا لاخذ العبره ..

اخوكم /خالد الوليدي..