منتدى استراحات زايد - من روائع ضاوي العصيمي

هذه الابيات للشاعر ضاوي العصيمي

كريم يابرقٍ سرى له تواشي
==من عصر دون الشمس حالت سحوقه
اصتك مزنه واستوى بالمناشي
==وجت به ذعاذيع الهبايب تسوقه
جعله على الدار السنيه فراشي
==دارٍ لهمال المخايل شفوقه
يسقى العبال العاريات العطاشي
==وتنبت بعد كانت تقول محلوقه
ويسقي الطلوح اللي كستها الغواشي
==ويحيي هشيمٍ ذابلاتٍ عروقه
يجي لها بعد اليباس انتعاشي
==ويصبح عليها الورق يزعج طروقه
ريح الخزامى والنفل والوراشي
==يشدي لعطرٍ فاح في بطن سوقه
على ديار اللي تملى المعاشي
==مشرهاتٍ كل ناظر تشوقه
حليبهن مثل العسل بالغراشي
==ومنها قصير الطنب يرسل غبوقه
جعله عوضهن في طعام الخياشي
==تجزي عن الماء والعلف ماتذوقه
ذود الكريم اللي على العز عاشي
==ماحاشها شاوٍ يعقد ربوقه
في شوفها قلبي يجيه اندهاشي
==ولاينعذل قلبٍ وساعٍ فتوقه
احبها حبٍ تربّع بجاشي
==البل هوا بالي وشفه وذوقه
تبعد مجالي عن كثير النقاشي
==اللي على الزلات نفسه سبوقه
خبلٍ قضى دنياه مذموم واشي
==بلحوم خلق الله تطابخ شدوقه
ويسقي وطن غروٍ عذيٍ نشاشي
==شلفا ذياب وسيف عنتر بموقه
ماقط سرّح في دقاق المواشي
==حيثٍ نفسه بالعشاير شبوقه
هذا ربيع البال والا بلاشي
==وسعادةٍ ماهيب هاذي محوقه
يالله يامحيي رميم القشاشي
==ياعالمٍ وش في ضمير مخلوقه
نسالك همالٍٍ على الدار غاشي
==من رايحٍ غربي تخافق بروقه