ادميت قلبي يالقساوي وصديت=وانا بقيت بحالتي والعنا زال
صبري على الله وانت فعلك حتاويت=ما ضرني لو عاونك زود حيال
ما ظنتي فوق الطويلات عديت=الا هفيت ولا تواليك الازوال
ذبلت في نفسي وانا عقبك اشويت=وامسى الضمير بزهرة الونس فلال
ما تنتهي عن مقفيات الهشاشيت=واتجوز يالمليوم عن زور الاقوال
تجيز لافعولك ولو هي حواتيت=واتقيم بين الناس بابن بزرفال
تخفي ميالك في حلوق المخافيت=تريد ستر الحال والحال ميال
تسقي زروعك بالسبيخه وجفيت=تضمى زهور القلب من زود الامحال
لا بدها بعض الليالي مفاليت=والا بعضها تستوي ما بها خلال
ترا القدر يرغمك لو عنه عييت=لكن تواسا في مدا بعض الاحوال
عامين اداري مير فيك العناتيت=وامعاند الاصحاب ما يسعد البال
ما تذكر الشمطا لما ضلع حليت=يوم النفوس الصافيه ما بها خمال
والنوم بالغابه على طعسها نبيت=يوم انه عريق الدسم بالمسا سال
والنار توضي من بعيد المكاشيت=من حولنا مكثور الاشجار وارمال
هذاك وقتن ما تعيده ولو شيت=لكنها بيدك تجي طيّب الفال
لا تقصي بالعجفات عن مربع البيت=واليم شربك عن شهاليل شلال
ترا الصداقه تبغا سيقان شويت=يهدف على المرمى اليا جاه باقبال
حي النبا يفرق عن الغامض الميت=والذيب ما تدرك مباديه باثعال
هذا صريح القول كانك توحيت=راجع شعورك وافتهم شرح الامثال