منتدى استراحات زايد - اشــهــد ان الـبــنــي آدم عـجــيــب ....

اشــهــد ان الــبنـــي آدم عـجــيــب .... جـــــل سـبــحــان رب (ن) ركــبـــه

كل وصف (ن) من اوصافه قريـب .... يـشـبـه الـكــل وهـــو مـالــه شـبــه

مـتـنــاقــض مـتـســائــل صــعــيــب .... ازدواجـــــي الـطـبــايــع فـأغـلــبــه

مـر (ن) أحلـى والـذ مــن الحلـيـب .... ومـــر لــــو انــــه مــــا مـاتـشـربـه

يعـشـق الصـبـح ويـحــب المـغـيـب .... فــيــه فــوضــه وامــــور مـرتــبــه

فــي شـبـابـه وتـلـقـى فـيــه شـيــب .... واخـــذ عــنــدك مــثــالا بـأضـربــه

يعنـي لـو جبـت لـه وش ماتجـيـب .... لأعـجـبـه شــــي مــاعــاد اعـجـبــه

وأعـتـقـد مـاعـلـى الـدنـيـا غـريــب .... دام فــيــه اسـئـلــه بــــلا اجــوبـــه

هـــب مـــرداك يـــاردي الـنـصـيـب .... كـيـف تـجــرا عـلــى الله وغـضـبـه

تـســهــج الـمـوبـقــات ولاتـهــيــب .... وفيـك كـم واحـد (ن) ضــاع تعـبـه

ويـن بـتـروح مــن رب(ن) رقـيـب .... يـرقــبــك يـــــوم مــنـــت بـتـرقـبــه

فيـه عيـب (ن) يعيـب وفيـه عـيـب .... مـايـعـيـب الــرجــل عــنــه عــربــه

وجرح يبرى وجرح (ن) مايطيـب .... كـــون لاعـــرف اسـاســه وسـبـبـه

والـمـجـرب مـاهــو مـثــل لطـبـيـب .... وواصـــف الـشــي غـيــر مـجـربـه

مايخلـص طلـيـب (ن) مــن طلـيـب .... مـــن يــشــوف الـسـنــع ويـجـنـبـه

لاتبـرى صحيـب (ن) مـن صحيـب .... وابـتـعــد عــنـــه مــاعـــاد قــربـــه

كـنـه الـجـنـي الـلــي شـــاف ذيـــب .... والله مـــاعـــاد تـــقــــدر تــقــربـــه

ولو ماربي ماخلق شك (ن) وريب .... كـــــان مـافــيــه نــفـــس مــعــذبــه

واختـبـار اليـقـيـن ان فـيــه غـيــب .... واكــثــر الــنــاس فـيـهــم ذبــذبـــه

والـجـهـل هــــو مـعـانــاه الـلـبـيـب .... لأنـتـبـه والـلــي غــيــره مـاانـتـبـه

الشــاعر : محمد بن علووش