منتدى استراحات زايد - مجاراة طارق المحياس لسمو الشيخ حمدان بن محمد بن راشد ... فزاع

[color=ff0000] شحالكم ياعضاء منتدانا الغالي انشاءلله بخير

اليوم يابلكم جديد الشاعر والاعلامي الاماراتي طارق المحياس

قصيدة ردا ومشاكاة مع صاحب السمو الشيخ حمدان بن محمد بن راشد ال مكتوم (فزاع)

اخليكم مع القصيدة

سلام الله على اللي سولفوا به وكل الناس بالطيبة حكوا به
فتى الجود اللي اسمه لو طرى لي شذاه يهب ويلفيني هبوبه
نعم ما غير حمدان المكارم حكم دولة وعشاقة شعوبه
وانا واحد من اللي يعشقونه ويا كثر اللي في حبه هذربوبه
عجبني بيت قاله في قصيدة عباقرة الشعر ما فكروا به
أحب الغيم لنه الغيم عالي يجسد كبريائه في نصوبه
وعجبني بيت ثاني غير هذا ياليت الناس كلهم يقتدوا به
أنا رجلي على الطيب إتخطى وهي ماهي على الطيب إمغصوبه
عموما كل أشعاره تعجبني وهو كله على بعضه عجوبه
أحبه كثر كرهي للمفارق وكثر ما في عيوني من شحوبه
وأحبه كثر حب الشيخ زايد عسى الله يرحمه ويغفر ذنوبه
وأحبه كثر ما أمي تحبني وكثر ما هالصبايا طفروا به
وأحبه كثر ما أعاني وأكتم وكثر ما تسبق يدينه جيوبه
أعاني ويل حالي كم أعاني صعوبه ما بعدها من صعوبه
يظنون بربيع العمر عايش وأنا في الصيف ميت م الرطوبه
ولي مثلك على الطاير فهمها عليك العون وعند الله المثوبه
وفي بيت ٍ في شعرك يا بو راشد اذا أقراه أحس نفسي طروبه
مجرد أبسط الخمس الاصابع على وجه الدهر تضفي عشوبه
وأنا محتاج للعشب الطبيعي مطرك اليوم أتحرى صبوبه
جبرني الوقت وظروفي تحداني بنيت البيت بس تنقصني طوبه
أعرف الذيب ومعجب به وأحبه كثر ما قطعوه وغصصوا به
ولا يذبحني ضحك الا كلامه طحالب والملك ما أثروا به
عطيتك سيدي نبذة بسيطة وعسى الله يكتب لأرضي خصوبه
الا يا هدهد سليمان وينك توصل هالقصيدة اليوم صوبه
جدا شيخ ٍ تفند بالمعاني حمل بيده معاناة العروبه
شكى لك قلب يا فزاع عانا ضحك نوبه وبكى مليون نوبه
نعم جاريتك بهاذي القصيده مثل ما للجنوبي من جنوبه
وبختمها في بيت ٍ انته قلته يدش الراس ويغير سلوبه
لو ان قلب الحقيقه غير عادل بتلقى المجرم بليا عقوبه

صح الله لسانك ياشاعرنا

والسموحه منكم اخواني ^_^[/color]