مديت انا الدربيل من دون بطحي=في غرب ابن هملان ذيك الضواحي
من فوق الاسمر سابرن بعد صبحي=حول الطلاح اللي بها الورق ناحي
ابغا رفيقن رايحن قبل يضحي=لاجل القميري حول ذيك النواحي
حنا ثلاثه بين ذربن وسمحي=والله يجازينا بحسن الكفاحي
قدامي ابصرت النجج لون ملحي=صابر على طول الدهر والرياحي
دليت اراقب بالمشاجير طلحي=اريد صيده في غصون الطلاحي
لكن لقيت الصيد يا ناس شحي=اليوم زال ولا يثور السلاحي
صار الهوا صلفن ذواري ولفحي=علينا من رمل العجاج انكثاحي
وادير بالي بين درسن وشرحي=وش صابنا يا رب درب الفلاحي
موج المعاصي للملا صار يلحي=يالله عفوك بالصدوف الشحاحي
ذود الليالي يتبع الملح وضحي=ورجانا باللي من رجاه استراحي
يوم اقبل الليل الفضا صار يصحي=شفنا اللوامع والكواكب وضاحي
دليت اطورق يبري القاف جرحي=لعلي اسلا عن دبور البطاحي
نزلنا قفرا ما تولتها مرحي=فسيحتن والدوح باقصى البراحي
تلاسبت عنا جنوبن بقدحي=نشوف برق الخير بالكون لاحي
بين الرجا والخوف نسهى ونصحي=طرا علينا بالمسير اقتراحي
قلنا نحوف بغربي الضلع سفحي=لين الطلاح الباينات المراحي
لما طلال اللي عن الغرب نطحي=ورجعنا يم الشرق والبال ساحي
يوم ارتخى عصر الاحمه وزحي=وبدا النشو حول المسا واستضاحي
والصيد بالقدر وهجد كل سرحي=وتنثر الما في دعوب البياحي
والحمد للي له سجودي ومدحي=الواحد بذكره يزيد انشراحي