|
@@@بطل الدروب @@@لن ينجح ادخل لتعرف الاسباب !!!!!!! بسم الله الرحمن الرحيم اخواني اعضاء وزوار موقع مكشات السلام عليكم ورحمه الله وبركاته اكيد تعرفون بطل الدروب ودعايته التي انتشرت بالنت والشوارع وحول تصير بخشك :p المهم ماودي اطول عليكم ندخل في صلب الموضوع انا ابخيركم ياشباب لو جيت وقلتلك هذي ميه الف وفيه لاند وفيه باترول وش تشري و نفس السعر يعني بالعقل راح اشري لاند وكله جديد طبعا يكفيك وقفته بس ولا اقارنه بالباترول تبي تقولون اني منحاز للاند ومن هالكلام يكون بعلمكم اكثر ماشريت وبعت بالباترول ولم يدخل باسمي لاند حتى الان واتمنى اني امتلكه لكن مر على الوالد كذا مره واشترى لاندكلوزر واصبح تحت قيادتي فتره من الزمن ارجع للموضوع اقولك الحين لو الباترول والاند بنفس السعر بسعر ميه الف كان محد شراء باترول اقولك مثلا الباترول الاول تشريه رقم 2 ب 145 مثلا اما االاند يالله تشريه ب 180 مثلا يعني فيه فرق ولا فرق الف ولا الفين فرق واجد لذالك حنا الطبقه الوسطى اكثر الشعب طبقه وسطى نشري الباترول لانه رخيص مثثلا: لا يزعلون علينا اصحاب الامريكي وش نجح الامريكي ولابغيت تروح للصناعيه وتدل اسأل راعي الامريكي عن الورشات يدلك وش امصبر الناس عليه لانه سعره يدعم الطبقه الوسطى من الشعب يقدر يشريه عادي ولانه اليوكن جديد ودفرنسين ب 133 الف يابلاااش على مواصفاته ومستخدم على مواصفاته سعره ممتاز ولاجيت لراعي الامريكي وقلتله ابعطيك 200 الف وش تشري رايك يبي يشري جمس او يوكن مااظن يبي يبحث عن خيارات اخرى مثل الاند على طول ولاباترول سوبر سفاري وارجع واقول اللي دراهمه على قده يالله يشري موديل بالتسعينات من الباترولات واللي الله فاتحها عليه يشتري باترول جديد ولا مستخدم (الطبقه الوسطى من الشعب ) الشكل الاول لاتنسو ان الشعب مر على ازمه شديده خساير الناس بالاسهم ومنهم كثير وغلاء الاسعار التي تقسم الظهر ونشاهدها يوميا والحين السيارات يعني الباترول بالسابق كان يدعم الطبقه الوسطى وكذالك الجمس والامريكي والكوري الان انتشر عموما ارجع واقول ا اكثر الشعب يعتبر من الطبقه الوسطى والحين دورلي على تاجر لو تدور على احد من جماعتكم ولا من اصدقائك ولا بالعمل ولا بحارتكم من جيرانكم والله مافيهم الا اثنين ثلاثه وممكن مافيه احد منهم فاتح الله عليه من اللي تعرفهم والرزق الله المفروض انهم قبل ان يطرحو الباترول الجديد درسوا حاله المجتمع من الى ليكون منافس ليس بالاحصنه ولابالشكل ولا ببطل ولا بعضلات انما منافس بالسعر للشعب هذا اللي اباصل له كذا ينجح اما يحطه ب اسعار خياليه !!!!! فأنا ابقولكم الشعب راح يتوجه لسيارات الطبقه الوسطى راح تتوجه لخيارات : الاند الجديد سعره ممتاز مستخدم والامريكي سعره ممتاز ايضا والهونداي سعره ممتاز اما بطل الدروب لن يكون من خيارات الطبقه الوسطى انما سيكون من خيارات الطبقه الغنيه والراهيه واللي معاه فلوس والله مااظنه يبي يدفع 300 الف وعليهن زود بباترول معليه جابو دعايات وسوو وفعلو يعني ييبي يصير عنده خيارات عديده وهي وهي الاولى جيب لكزس وكانك تدفع ايضا بورش كايين وسيارات والله ماعرفها وبالاخير نجاح الباترول بسعره فقط والمفروض يكون سعره كتالي الفئه الادنى ب 120الف الفئه الوسط ب 150الف الفئه الاعلى 170الف تحياتي للطبقه الوسطى انتم من انجحتم الباترول وليس الوكيل وليس المصنع وهاهو الان يتخلى عنكم بأسعاره الخياليه وهذا رئيي الشخصي فأن اصبت فمن الله وان اخطأت فمن الشيطان والسلام عليكم |
| الساعة الآن 05:03 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir