من طبعي ارد الإساءة بالاحسان=وأساير ظروف الزمان اللعيــــــنه
وأطوف الغلطه من أفلان وفلان=يعني من أجل عين تكــــرم مدينه
الكامل الله والخطا طبع الانسان=والدرب يفرق عن يسارهـ ويميــــــــنه
والصاحب ا للي لـه معزه وله شان=ان جاني بـشيـــــنه تذكــــــرت زينه
اتحمل اخطاءه معي قدر الأمكان=من جـــــانبي تبقى العــــــــــــلاقه متينه
واللي يغلطني وانا ماني بغلطان=اصـــــابعي احطها وسط عينه
مادامني مسلم وفي قلبي إيمان=عمرالبحرماشال هم السفينه
مرت علي انواع واشكال وألوان=بين العقول الناقصه والــــرزينه
عندي قناعه ان الإنسان شيطان=اذا يهينك لازم انك تهينــــــــه
يعني اذا حاجتك بيدين عدوان=يكفيك شر المهزله والغــــــبينه
من كثر ماجاني من الناس خذلان=تحرجني حتى كلمة الله يعـــــــــــينه
صحيح لي ربع وجماعه وخلان=وأضيق لكن حاجة الناس شيـــــــــــنه
الشخص دام انه بكل شي خسران=تأكد انهآ من عمايل يديــــــــــــنه
من مرحلة حب ومشاعر وحرمان=إن مالــــــعنت الحـــــب تلعـــن سنــــــــينه
اكتب شعر واعزف من اشواقي الحــآن=واسلي قلوب الغــــــــــــرام الحزينـــــــــــه
ولو الشعر مخلوق في هيئة انسان=والله لأقول له تسلم واقبل جبينه