منتدى استراحات زايد - اسئله مهمه جدااااا حول بطل الدروب الباترولv8 2010

من ريثان القصيم الي الاعضاء والزوار جميعا بلا استثناء

اسعد الله اوقاتكم بكل خير..................... معليش بقصلكم بالعاميه قوه وعسى بعضكم يقراء

الحقيقه لا اعلم كيف ابداء ولكن كنت اسوق السياره وكنت مارا من عند وكالة نيسان واشوف

يجماعه زحمة سياراااااااات وقلت الله يستر لايسير مكروه اعوذ بالله واقرب واقرب اكثر يوم شفت

يجماعه واثره احد صالات ابوحمراني بسطه امة الثقلين واناظر ماش يجماعه الوضع موب طبيعي

ياولد وقف وشف وش السالفه ووقف كسرتي(السياره)وانزل وانا امشي ليتي ما جيت واثر العالم

متجمعه عليه تقول منز من كوكب ثاني اللي يركب واللي يفتح الكبوت واللي واللي واللي

واناظروشت تناظر والله اني احترم اللاند كروزر بس ذا غير يجماعه مثل مدينة جده قبل ما تغرق

انه بطل الدروب الباترولv8 والجديد كليا معليش ما قدرت اصوره بسبب الزحمه

المهم وادور عليه واقلب الموتر واناظره بس صار عندي اسئله اتمنى الاجابه عليه

1- ليش فتحة السقف صغيره مرررره؟

2-ليش مابوه مروحة تبريد بين الشبك الامامي والاديتر مثل الارمادا والانفنتيqx56؟

3-يوم حجم الباب اللي ورا كبير كذا ليش القزاز الخلفي مايفتح مثل بعض السيارات؟

4-ليش وزن الابواب الاربعه عند الفتح والاغلاق خفيفه مرررره؟

5- يجي ست انواع عندنا مابين التماتيك ويجي قيرعادي لحاله سألت الموظف وين العايدي قال

مايجي اقسم بالله اني متأكد انه يجي قير عادي لحاله لماذا منع بيعه؟

6- ليش دعسة الرجلين الجانبيه داخله قوه ياله تحط رجلك؟

7- ليش الصدام الخلفي ما فيه مكان ترقى عليه ؟

8- ليش تانكي بنزين واحد كبير موب تانكيين؟

9-ليش مايجي ونش قدام افخم له؟

10-طيب يوم سعره 300000 ريال ليش ماجابوه بانوراما مثل البورش كايين؟

11-ليش مايجي الفل كامل الستي اوبشن فيه طاولات طعام؟

12-وشو النوع المرغوب بين الفئات لدى عامة الناس مثل الفتك سفاري2؟

13- ليش مايجي الفل شكمانين مثل الرنج روفر؟

اسئله تفرض علينا التوقف عندها والبحث عن اجابة لها

معلومات مهمه عن بعض فئات بطل الدروب:

- يجي V8 ديزل واحد تيربو موب عندنا ولا ادري كم حصان

-مصمم للمدينه والطرق اكثر من الصحراء...... والرمال خلها للحر الفتك

-متواجد الان في معظم صالات العرض لدى ابوحمراني

-الاسعار تبدأ عندنا من 175000 الي 300000 ريال

-الاسعار بالخليج تفرق 1000 الي 5000 ريال على حسب الفئه

اسف جدا على الاطاله لكن هذا بطل الدروب يستاهل انه نتعرف عليه
_______________________________________

تحياتي وتقديري

ريثان القصيم