منتدى استراحات زايد - احب انا الطيب

احب انا الطيب

احب انا الطيب واقدر جنابه

والا ردي الذات ياويش ابي فيه

هذا هو اسلوبي ولابه طلابه

الحق اشوفه حق وآخذه واعطيه

حــنــا يضايقنا زمــــــان الغرابه

تقدير للص العفن قل كذا ليه

حتى الحكي وياه تاخذ حسابه

ومنا دني النفس بيقبل يديه

والجرح داخلنا يزيد اللتهابه

وامجامل الانذال هذي تواليه

وانا فلا عــنــدي لذولا لبابه

واللي علي يطري براسي اسويه

ماروعك ياذيب نبح الكلابه

وحصني على الفضله وعقبك تعشيه

يزيد بك نوماس خوة ذيابه

والا الثعل حلفٍ عليه ماخاويه

رزقي على اللي مول ماسد بابه

عن عبده اللي دايم الدوم يرجيه

لاحب مخلوقٍ بعطف ورحابه

مما عمل باحسان منه يجازيه

اموت موتة عز وحلوٍ عذابه

ودرب المذله مايبيني ولاأبيه

جزام الخالدي