|
قصيدة (مشـــــراف ونســــــــرين ) بسم الله الرحمن الرحيم قصيدة للشاعر الليبي أبوبكر رابح (مشـــــراف ونســــــــرين ) مشراف اسم فتاة بدوية نسرين أسم فتاة حضرية وهده القصيدة عبارة عن حوار لهن بعد أن التقيا بعد عطلة منتصف العام تلاقــــن مشــــراف ونســرين ** نهــــــــاية عطلة نص العام بعـد غـيبة قـيس أســــــبوعين ** وراحـــــــة مالفصل ولقلام هــذي تنشــــــد في هذي وين ** أويــن قــــــــضيتي هالأيــام أين قضت نسرين العطلة:) حـــكت نسـرين على البحرين ** ورحــــــــلتهم لاعند الشــام وقـالت ســــــافرنا للصــــــين **وســـــافرنا لامســــــــتردام اللي معــــــــايا ماما وحـــنين **وأريـــــج خــــــطيبة وسـام أمــــا بــــــابا فالأرجـــــــنتين * * معــــــه عمـو وبنتـه سهــام وقـــــــالت جــــــبنه ســيديين * * وكــــرتونة شـرطان أفــلام ومـــــــاما جــابت فســـــتانين * * لخـــــالاتي هــــــند وهيــام وجـــــــابت لجـــديدة زوجـين * * حــــدايد واســــوارة صـدام وحضــــــرنا حفل لملحم زين * * أوليد وكـــــاظم وأحــــــلام وشـــــفنا زفـــة ســــــــوريين * * الدبكــــة بالطــــبل والاقدام وفالصـــــــين ألقيـنا وحـــدين* * شـــــرينا منـهم ريـش نعـام وزرنـا متحــــــــف في بكـين * * وزرنـــا مـــــدينة الاقـــزام وصـــــورنا غـــــادي فيـلمين * *شــــــرت ماما لوحة رسـام ثمـــــــنها بالـدولار ألفـــــــين * * اللي راسـمها هــو كنجــــام أحــــــسن نـاس الهــــولنديين * * احـــــــترام وذوق ونظــــام قــــــضينا عطــــلة مبسوطين * * أوقــــــات سعـادة وانسجـام ويامشــــــــــراف مشيتو وين * * أكيـــدة جــــوك كـــان تمـام.. ــــــــــــــــــــــــــــــــــــــــــــــــــ ــــ أين قضت مشراف العطلة:mad: حـكت مشراف بصوت حزين ** ومــــــافي نيتـــــها الكــــلام وقــــــــالت نا واخـتي سالمين ** عمـدنا عيت خـالي خمــخام.. ودانـا خـــــــويا حــــــــوسين * *أمعــــاه ولـد ســـيدي شمـام أمقــــــبل عيت خـــالي نزلين * * أحــــذا وادي رزق الفحــام.. بـراريك اكــــــــــبار وبيــتين * * ربيــــــــع بنـوهن لاقـــــدام أيجـــــي قيس اسبوع ويومين * * قعـــــــدناهن والشـي أقسـام وصــــار أطـٍـهار ولد جبرين * * وتمـــت زيطــــه سبع أيام وجــــــــــابوا فـرعة غــنايين ** أيغنـــــوا عالنــــار ولوهـام وايطــــروا في ظاوي الجبين ** الغـــالي بوممشــــوط عرام غـنــــايا واللي مرهـــــــونين * * اللي صـــــوب غلاهم مادام اللــــــي جــــو بالـدار بعيدين ** اللـــــي منـهم عقـلي مانـــام وقــــــالت سجــــلت شريطين ** غنــــاوي ياس وشـي مـلام بعـدها صـار امجــــــــلم زين * * وماغـــــــــاب عليــنا جـلام تــريس أبـــــــوادي هجــايين * *أرحـــــم هالطـوقه ياراحــم وذبحـــــــنا ليـلته شاتيين ** اسمـــــــان وكـثرنا الطعــام وطــــــــولنا وأحـــنا واعـيين ** قـــــــمر زاهي مافيه ظـلام اللي ســــــهرت عمتي حملين ** علـي صـابة هـاذاك العــــام ورجـــــــــعه قــالت خرافتين * * علـي أم بسيسـي وأم أعظام |
| الساعة الآن 07:47 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir