منتدى استراحات زايد - .. جديد // الشاعر عبدالملك الوزان ، شعلة قصيدي ،، صوتي ..

http://www.u06p.com/up/upfiles/N6g54221.jpg

.
.
http://www.rofof.com/dw.png
.
.
،, شعلة قصيدي ،,

شعلة قصيدي على قلبي من أضلاعي
لعيونه الدعج أبصبر له على اوجاعي..
يستاهل القاف لو هـو سبّـة فراقـه
ما روّح الضيق مني فلًـة شراعـي..
ياليت شعري جبر بي كسرة الخاطـر
وانه سروري بدل روغات الأرياعي..
ما فادني حسّي المرهـف ولا امثالـي
يوم ارفع الصوت تستسمحني اسماعي..
اقفى وفرحة خفوقي رافقـت ظلّـه
وتيتّمت ضحكتي واختلفت اطباعي..
لكن بطيفه يجي مـا هـوب يجفانـي
طبع الوفا طبعه الوافي والأسناعـي..
هذا هو اللي بدونـه انتهـي كلّـي
وش خانتي دون متروف التمرياعي ..
ليته يحس بغلاه اللـي ملـك شانـي
واني مثل مونق المرعى وهو راعـي ..
أشفق من امّه عليـه ان ضمتـه امـه
اشفق وانا اللي ابي منه الهوى الواعي..
لو قال كوعك تحبـه كـان تبغانـي
رديت هذي لمن طعته وهو طاعـي..

الشاعر القادم / عبدالملك بن أحمد الوزان الوهبي التميمي

* بريدة *

آخر مشاركه للشاعر في خيمة سلطان للشعر وخيمة منتديات بريدة في مهرجان ربيع بريدة 31:

http://www.youtube.com/watch?v=_w7ACe_apU4

وله عدد من المشاركات من أبرزها :

قصيدة حضرت بعزة سعودي بمناسبة اليوم الوطني وذلك على شرف سمو أمير المنطقة .من أبياتها :

حضرت بهيبة الشامخ معي مجدي مع الجمهور

حضرت بعزة سعودي وصيته يسبق حضوره ..

دعاني موطني حيّه وجيت المغـرم المأسـور
مغارس حبه بقلبي واعيش النور من نـوره ..

وإليكم موال الوافي :

http://www.youtube.com/watch?v=XbT-C6-avXI
أشواقي لكم ..

وإلى الأمام أبوتركي فـ الوطن يفخر بك شاعراً ..

محبك : ولدعلي