منتدى استراحات زايد - برميل مندي ضايع بالغلط

:D http://www.gulflobby.com/upload/get-...m_ocnnqbhf.gif

أحبابي اعضاء وزوار مكشات .

سالفة هذا اليوم دايم ما تحصل للكثير منا وهو تشابه السيارات
رحت ليلة الأربعاء لشباب خارج الرياض حول العيينه وبعد ما تعديت الدرعية فيه محطة بنزين يمكن بعضكم يعرفها .
دخلت المحطه ومعي ددسن واحد من الشباب 97 وقفت بجنب يوكن شريت برميل مندي وحطب واسياخ شواء :D مقاضي بقطة الشباب وماقصر قام العامل وساعدني وحط اغراضي في سيارة تشبه سيارتي وقمت انا بشيل باقي الأغراض واحطها في السيارة وأرجع أخذ ولاعه وبايسن .
ولما رجعت لسيارة كانت السيارة قد حركت واغراضي فيها انهبلت مدري وش اسوي قلت مالي الا الحقه وانطلقت اسابق الريح وراه لكن للأسف دون فائده على قولهم فص ملح وذاب رجعت أدور على صراف بنسحب فلوس ونعوض الشباب اغراضهم والله تعكر مزاجي المهم رجعت للدرعية وسحبت فلوس ورجعت للمحطة وش تتوقعون كان راعي الددسن واقف يوم شفته طار قلبي من الفرح نزلت وهو يضحك قال وشفيك مضيع :D :D قلت : أخوي اغراضي في سيارتك حطيتها بالغلط وتراني رحت حتى كبيري العمارية لكن ما لحقتك
قال : أنا ما تحركت من هنا ركبت موتري ورجعت اعبي بنزين ويوم نزلت افك التانكي شفت برميل المندي وشفت الأغراض عرفت أن فيه واحد غلطان .

المهم نزلت أغراضي والاخ كان من أهل شقراء بيض الله وجهه اخرته عن طريقه .

طبعا ما علمت الشباب بالسالفه ثم يقعدون يعلقون علي:D :D