|
14 رهوه ( كرك ) بعد الغياب عنكم السلام عليكم ورحمة الله وبركاته اخواني الاعزاء مشرفين وأعضاء وزوار منتديات مكشات مساكم الله بالف خير بعد غياب طويل لي عن المشاركات في منتدانا العريق ويعلم الله اني متواصل بالاطلاع من وقت الى حين واني احسد اخواني الاعضاء المتواصلين وبشكل دائم حاولت ادخل بالاسم الاول اللي هو ( اسير البر ) لاكن ماقدرت وسجلت بإضافة ( . ) . ما أطول عليكم هذا مقناصنا للرهو والله رزقناااا بخير وكانت الحصيله ( 14 ) من الاكحل في صبحية يوم به النفس شفقانه على الرهو وبعد مطاردات وتبييت وغربله :looney: وما يبيلها شرح لكم عن بهاذيل صيد الرهو تم طرد الجول الاول وطرحنا منه ( 8 ) وعند الرجوع االى أبو نورة الذي كان بانتظارنا ونزلنا عنده المقسوم ومع السوالف دخلنا شك ا:confused: باقي رهوه رهوتين مدري ومارتحنا !!! شوي الآ بالجول الثاني وماهوبعيد ونشد الهمه وراه ويكتب لنا الله منه بـ ( 5 ) ونعود لموقع طرحنا الاول وندور فيه وناخذ بالدربيل الا الصويب وتل الموتر يمه اثره رايح فيها ومتعطل محركه ونخمه برقيبته الله لايحرمنا منه . ورجعنا لخوينا ابو نورة الا الرهو ناقص ياولد الباقي وين :confused: :confused: قال هذا اللي طرحتوه ( 5 ) من الجول الاول :D :p وضحك وقال القنوص اللي تعدوكم مروا علي وتنشدتهم وقالوا ماوفقنا الله وعزمتههم على ماوفق الله ورفضوا وقلت هذا غداكم وعطيتهم ( 3 ) رهواة وقلنا راعيها يا أبونورة وبيض الله وجهك طولت عليكم اخليكم مع الصور وعذراً على تصوير الجوال السلاح المستخدم بنلي سوبر بلاك ايقل ( 12 طلقة ) مع اطيب التمنيات لكم اخوكم /ابو سعود |
| الساعة الآن 12:48 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir