الا يالوالي العالي مقامه=على سقف السما شانه عظيمي
تروف بحالنا يوم القيامه=اليا شق الحصى عجب العديمي
حياتن قبلها ذكرت علامه=بها الاهوال تشمط بالفطيمي
الاحيا كالسكارا بازدحامه=جنود ابليس بالظلما تهيمي
تموج الناس يالله السلامه=تشيب اطفال يهتال الغليمي
عراتن ما على ابن ادم ملامه=تساوت ما بها طي وتميمي
يجي فرعون وكذاب اليمامه=وابو جهلن مع الجمع الظليمي
يجي فوج السعير ابليس امامه=نواظر زرق والوجه السقيمي
الا وين المنافذ بانهزامه=ومالك خازن النار الزعيمي
تخاسوا فيها طابور الرخامه=لهبها يجعل الراس الصريمي
حطب نار السعاير بالتهامه=بدا فيها الصراخ المستديمي
تصير جلودهم مثل الرمامه=باثرها يرجع الجلد السليمي
يبون الموت مع تيس ونعامه=ولكن ما يذوقون النعيمي
فحق القول من رب لانامه=ليملا النار ويزود الجثيمي
يشال الموت كالكبش بعظامه=يذكى مثل طليان النعيمي
يقال احيوا حياة بلا حشامه=ما بين البرد والآن الحميمي
تضيق نفوسهم عوج الندامه=فلا ياقاهم القبو الطميمي