انتم السبب يا اتحاد الكرة ....
 

السلام عليكم
رحم الله الشيخ احمد بن زايد ونسأل الله المغفرة له والجنة في الاخرة
ااامين

ااااه يا الوحدة من اللي تسويه فيني في الاسيوية
والله اذا ما يبت الدوري ... ما ادري شو بيصير فيني
محد يقولي بو بدر والادارة والاستراتيجية تراني مليت من هالاسطوانة
الحبيب ياي يستمتع ويتسلى ما عليه الحساب بعد نهاية الموسم
هذا نادينا وهذي ادارتنا لزوم نكون وياهم والحساب بعد نهاية الموسم مب قبل نهاية الدوري ب5جولات وتسولنا حشرة وشوشرة على الفاضي وتضيعولنا الدوري
الحساب بعد نهاية الموسم
وهذا مب موضوعي

على العموم
قبل ما انتقد اتحاد الكرة حبيت اني اشكرهم على اهتمامهم في المراحل السنية والمنتخبات الوطنية وخير دليل منتخب الشباب
ولكن
المراحل السنية ومنتخبات الناشئين والشباب مصيرهم (دوري المحترفين)
ومصير دوري المحترفين منتخب اول يمثل الدولة (المفروض)
وانت مب معقولة تأسس صح وينهدم كل شي في (دوري المحترفين)
هي مشكلة وحدة لو انحلت ما بتشوف هذي المهازل الاسيوية اللي هي جدول المباريات ما بين الدوري وكاس رئيس الدولة وكاس اتصالات والاسيوية
اربع بطولات
ليش كل الدول مرتبة امورها الا دورينا
ليش تحط الاندية في موقف حرج
تجبرها انها تفضل بطولة على اخرى
رفعت من قيمة الدوري ونزلت من قيمة الاسيوية
كيف ؟؟؟ انا اقولك كيف
العام
الشارقة كان بين نار الاسيوية ونار الهبوط الى الدرجة الاولى
يا اخي احنا ما نرضاها على الملك فشي طبيعي انه يفضل دوري (المحترفين) وانسحب لانه ما عنده صف ثاني حب يركز على تواجده بين الكبار وهذا حقه الشرعي

الاهلي تصدر الدوري العام و الجزيرة وراه وراه والبطل بيكون اول بطل في النسخة الاولى وسوف يتواجد في كأس العالم في للاندية (على فكرة الكل يتمنى التواجد في هذه البطولة ومستعد يبذل الغالي والنفيس لتلك الغاية وخاصة اذا كان متصدر) وشاف نفسه اذا دخل معمة الاسيوية بيخسر الدوري ففضل انه يحتفظ بمجهوداته للدوري ونال مراده
لا تقولون انه الاهلى فشلنا لان السبب في الادارة مب في الفريق
لو ادارة ثانية (ادارة مقتدرة ماليا) اشتغلت في الفريق كان شفتو التشريف

الشباب في وسط الجدول , قدم مستوى طيب (يعني ما عنده ضغوطات)

الجزيرة اللي شد حيله في الاسيوية ولكن الثمن كان ضياع الدوري لصالح الاهلي

السنة
نفس الشي قاعد يصير
الوحدة والجزيرة بايعينها في الاسيوية
العين والاهلي يقدمون مستويات طيبة (بعيدين عن الضغوط)

شو اللي يجبر اندية انها تفضل بطولة على اخرى غير جدول المباريات
منو يحب الخسارة
خسارة بالاربعة والخمسة منو يرضى فيها

يا اخي شوف قطر يلغون مباريات محلية للفرق المشاركة عسب ما تتعذر الفرق المشاركة اسيويا
الوحدة والجزيرة والعين في الدوري واتصالات والاسيوية (هريس)ولاعبين مبارتين في الاسيوية ومبارة في اتصالات في اسبوع (اختارلك بطولة يا هاي يا هاي)
لا نقص على اعمارنا ونقول اللعيبة محترفين والراحة 72 ساعة كافية هذا الكلام في اوروبا يبالنا سنين لين نوصلهم

معظم الدوريات منتهية والفرق شبه متفرغة للاسيوية (دليل تفوقهم وتصدرهم المجموعات)

كل اللي اطلبه من الاتحاد (او الرابطة) ترتيب جدول المباريات لا اكثر
6 مباريات في دور المجموعات فقط, اهتم في مواعيدهم (5 ايام قبل وبعد المبارة مثلا)
لا تعطي مجال للاندية انها تفضل بطولة على اخرى

صدقني بتشوف الاندية الاماراتية فوق السحاب

بتشوف الاندية الاماراتية فوق السحاب



نتمنى ان نرى انديتنا بلا مشاكل (( وفوووق السحــآآب ))

..

الله يسمع منك

وتسلم عالمرور