منتدى استراحات زايد - يالله سهالً من ضياقه لخرجا

بسم الله الرحمن الرحيم
السلام عليكم ورحمة الله وبركاته
للتواصل من أرشيفي
ولعيون شقران نجد

قصيده كتبتها قبل سنوات في اجتماع للعائله الموقره

أرجو أن تنال إعجابكم

الساحه مضجع في جواليق عمجا
إلها يحوك القاف نبراش خجّي
ناقد ومن بالمدح له قاف يهجا
وحلو النبا مع ورك خفه عنجّي
هذا يمد البيت في رجل عرجا
باحساس كاذب لم مراده ينجّي
وهذاك سف البيت خلان يرجا
وياكم خلً حين ينخا يهجّي
وهذاك صب البن بدلال غمجا
وناموس بشته للمراجل يهجّي
وهذاك عنده فالمرابيع ملجا
وكل من تهلبج راح صوبه يوجّي
بعض البشر مدري مباديه همجا
أو إن رابي عند راعي وكلجّي
وانا الذي شايم عن صغار كرجا
وانا الذي شايل من كبار نهجي
ولي ديرة(ن) من جال تربه لأجا
بقعا وعن صنج المقايض مهجّي
وميلادي بوسط الوسيطا تلجّا
مسقاط راسي هي مفاتيح درجي
وفي نجد ربعي معرّبين المسجا
والطيب فيهم للمعادين دبجي
ربعي عتيبه عزوة اللي تمنجا
وظهري شمامر للصوافي تعجّي
والشاعر اللي ون فـ الراس لجّا
يلومه اللي ماعرف سر منجي
خلّوه أحسن بالمواضيع سجّا
وانا في هاجوس الخلاوي بسجّي
وان كان بالي يم مقناص جرجا
مالي غناة(ن) عن مقانيص عسجي
يطيب قولي عند مختام نسجا
بخيوط مذهب كحل اسوار دعجي
يالله سهال(ن) من ضياقه لخرجا
ويالله خيار(ن) من مخايل وثلجي

مخرج مع بيت يتيم

ياويل خربً صار في عين تواق
الأرض ضاقت فيه والجو ضاقه

وسلامتكم