منتدى استراحات زايد - تهريب زيت القير لاندكروزر Gxr

السلام عليكم ورحمه الله وبركاته

اخواني في مكشات

عندي جي اكس ار موديل 99

ومشكلته ذبحتني مع القير

مابقى ورشه ماتطبب فيه بس مانفع

المعاناه لها سنتين الان او اكثر

اول مره وديته لورشه في صناعيه الخليج هندي

شافه قال جرم القير مشعر والتهريب منه

قلت والحل قال لازم تغيره

جاب جرم قير من التشليح وركبه وكلف حوالي 3 الالف

جلس معي حوالي شهرين

بعدين رجع ابو طبيع لـ طبعه

وبدأ يهرب من تحت

خاصه اذا مسكت عليه خط طويل

قبل شهرين وديته عند ابن مرضاح في الصناعيه القديمه

قال لي : القير مافيه شئ بس بغير صوف

غير الصوف

لكن لاحياه لمن تنادي

التهريب فيني فيني

اللي عنده حل للموضوع يفيدني او يعرف ورشه قيور مضبوطه يعلمني