منتدى استراحات زايد - هنا كنت انزف

مابين حنين..انتظار..
ألم.. توجع..مناجاة..
...جرح لم يندمل
..وأعياد باهتة ..

][هنــا][...كنت أنــزف...

][..1..][

......../ ( إهداء لقلب أحبه)

(.....) الدنــيا ترى رحلة متاع
عيش واصبر ماعلى الدنيا حسوف
لا تحسـف لا..ولا تشكي الوداع
رحلـــةٍ تمشي بنا يم الحتــــوف
كم تمنينا وضــاع الحلم ضاع
وفرقتنا عن حبايبــنا الظروف
قول يالغالي ترى أمرك مطاع
وبوح لي عن سر عشقك للهنوف
واعتبرني مثل اختك بالطباع
أحزن لحزنك وقلبي لك شغوف
وعهد مني سر قلبك مايذاع
لأي مخلوق على الدنيا يشوف

،’

][..2..][

......../ (كبرياء..)

حلفت لاأنسى صاحبٍ باعني بهون
وأخذت عهد إني لاهدّ مابنيته
حتى لو أعيش الدهر حزن وشجون
والله لاابعثـــــــر مابيديه جنيته
وأقول ذاك اللي سكن وسط العيون
خلاص سافــر مانفــع لو رجيته

،’

][..3..][

......../ ( مواساة )

يانور هالدنيا سلامتك وشفيك
قلي تراك أشغلتني ياأغلى ناسي
إن كان بك ضيقه فأنا من يواسيك
ويشيل همك في زمان المآسي
وإن كان ناسيني فأنا ميت فيك
وقدرك بقلبي عالياً مايداسي

،’

][..4..][

......./ ( عشق )

شافوك في عيني دمع وسألوني..
يامن يكون اللي خذا القلب والروح..
قلت السموحه ياهلي واعذروني..
عهدٍ علي ... لاْ صون سره ولاابوح

،’

][..5..][

......./ ( أمنية ربما تعجيزية )

ليت هالدنيــــا تجمــعـنا ثــوانـي
وتضمد جـراح قديـمه تعـلّنـا
وننسى أحـزان تشبث بالمحاني
ونهـــجر أيــام تسيّل دمــعنـــا
ونقول للدنيابصوتٍ عذب حاني
ودنـا ننســى شقــانــا.. ودنــا
أتمنى آآآآآه ياحلــو الأمـــانـي
وياعسى ربي يحقــق هالمنـا

،’

][..6..][

......./ ( انتظار موجع )

انتـظرتــك وامتــلا جــوفــي شــقـــا
وانتهى الموعد على مدري(ش)بغيت

،’

][..7..][

......./ ( خارج حدود النزف)

دمت للقلب المعنّى
في مساريه الطويله..
امتناني ( لك )
ياجرحي..
كل يوم وكل ليله..!!

~{..رافقتني ياجرح..ليه..؟..}~

،’

][..8..][

......./ ( معانقة روح )

ياليالي العيد..هاتي لي سلامه
وبلغيه إنه أحبــــــه للأبد..

وقولي إني أعيش في جنة غرامه
وغير حبه ماسكن قلبي أحد..

،’

][..9..][

....../ ( شوق )

في يوم ميـلادي.. سريت
بخافقي صوب الريــــاض
جيتك أشــوف اللي بنيت
بإحساس عاشق يوم فاض
والليلة بإحســاسي غديت
وقلبي معك وسـط الرياض

،’

][..10..][

......./ ( حلم..شاحب )

سنة تمضي وأنا عايش على هالحلم
أعد الساعه وأتأمل ألا يارب هونّها
أحس الدنيا تقتلني ولاتهتم
وأعيش أيامي بضحكة وأسامرها
لجل عين اللي يهواني أشيل الهم
وأكفكف دمعتي بيدي وأسايرها

،’

][..11..][

......../ ( كآبة )

مليت أمنّي النفس والوضع مرهون
بيدين منهم بالهوى عذبوني
اصبح على لون..وامسي على لون
وفيني من طعون القدر ألف لوني
أداري الدمعات والقلب مغبون
أخاف من ناس تمنى طعوني

،’

][..12..][

......./ ( ذات عيد../ حزن)

عيد لكن في عيوني يختلف عن كل عيد
أرتدي ثوب الكآبه وأكحل الحزن بعيوني
قلت أحاول..بس دربي ممتلي شوك عتيد
من عرفتك يالمفارق ذقت من كاس الطعوني

،’

][..13..][

......./ ( دعوة بفرج قريب يارب )

متى على الله يازماني علي تجود
وتجلي هموم بقلبي بيّحت سدي
إليا متى اغني يامصبر الموعود
على لحن هانت .... يومين وتعدّي

،’

][..14..][

......./ ( حقيقة مؤلمة )

ياليل ياللي ظلامك يشبه سنيني
ارحم عيون لذيذ النوم جافنه
ضيعت عمري ولاادري وينه وويني
واللي بنيته سهوم الوقت هدّنه
الله على جرح للموت يدنيني
والله على حزن في صدري أكنّه
أكبر ويكبر معي كنّه مخاويني
وتذرف دموعي على ذكره ويسقنّه
ياليل عاهدتهم فالعسر والليني
وأوفيتهم حقهم من دون ماأْمنّه

،’

][..15..][

عذراً....
خربشات مــ ج ــنونة
نزفت بعد أن أدمت {الروح}

مما رااااق لذائقتي
ودمتم بحفظ الباري

تقبلوو تحياتي
شفاافة