منتدى استراحات زايد - قصه واآآآقعيه ::: غلااآ منصووور

بسم الله الرحمن الرحيم

اليوم أنا يايبة لكم قصة مأثرة فيني وتركت فيني عبرة وكلما أتذكرها ادمع عيوني

أتمنى إنكم تقرونها وتستفيدون ,

غلاااا منصوور ..!~

اعرفكم اول شئ بنفسي من انا وشوه اللي خلاني انزل قصتي . . ماراح اقولكم حياتي كلها لا بس من اكون و شوه الموقف اللي جبرني اني انزله فـ المواقع . .

انا وحده (( مابذكر اسمي )) حقوده ابي الناس اتحبني و يعترفولي بالحب بس انا مااعترف لحد .. تكبر مثل ماتقولون …

اول شئ قبل لا ابدأ … احلفكم بارب السموات ..خالقكم و خالقني ...انكم ماتغيرون ولا كلمة فـ القصه امانه يللي حبيت تنشر قصتي ... فأي موقع . . انا ابيكم تنشرونها . . بس اماانه احلفكم برب السموات و الارض خالق البشر ماتغيرون ولا كلمه . . وكل شخص بضميرره . . .
انا بنت . . وحيده امي وابوي . . عندي اخو اكبر عني بسنتين . . اسمه حامد . . وساكن شخص ويانا في البيت اسمه منصور يكون ولد عمتي . . بس لانه امه وابوه متوفين و ابوي تكفل في تعليمه و تربيته . .
شخص طيب حبوب . . يحب دوم يغايضني ويحط دوبه من دوبي > > يعني دوم يكون ضدي . .>< غياض بس يعني
انا اما . . . مثل ماقلت لكم . . متكبره . . غرني جمالي صرت اشوف نفسي احلى البنات احلى البشر . . هذا اللي خلاني اشوف نفسي . . واشوف الناس يمدحون جمالي . . صرت احس اني غييييييير ...
حتى جدام اللي يحبني صرت اتكبر عليه . . >> منصور . . حبني و اعترفلي بحبه
وانا بعد احبه والله احببه . . ليتني اقدر كنت اقوله . . ماقدر . . احس انه فب شئ يمنعني .. مادري ليش ؟
كان دوم يقولي قصايد . . وماكان يناديني بسمي . .

يقولي يالغااااااالي >> ياربي هالكلمه كم تسسوي كم >> بس المشكله اني ماكنت ارد عليه رد يبرد صدره . . لا . . كنت اقوله اووف ماعندك سسالفه . . .

منصور : - جمآلڪ . . من حلآروحڪ ..وڪل الزين من زينڪ
انا : لا حوول . . ياخي اعقل عاد والله عيب >> الله يسسامحني >> من داخلى افرح بس ماابين
منصور : شسوي احبج ماهو بيدي . .
انا : حبك برص . .
منصور : ههههههه >> فديت هالضحكه انا والله >> اقولج ترا عندي احساس يقولي انج اتحبيني مادري ليش ويضحك عقبها
انا : امححق احسساس خله لك . . احساسك . . واحساسك غلط لاني ماحبك..
منصور : اااااااااااااااااه >> علني فدوه هالونه
ويستمر هالموال . . كل يوم اصد عنه كل يوم . .

نسيت اقولكم انه حامد ومنصور ربع و اخوان روح بالروح . . مايستغنون عن بعض دقيقه وحده . .
وهم يدروسون فـ لندن . . بس عندهم اجازه 3 شهور . . وبيرجعون . . لندن
وانا ثانويه عامه اخر سنه عندي . .

منصور : الغالي درسي زين نبا نسبه تبيض الويه
انا (( معصبه )) : لاتقولي الغالي . . ماحب . .
منصور : بس انا احب احسج فرحانه عكس يعني خخ
انا : الله يعينا << اقولها وانا اطرش مسج لربيعتي . .
منصور يشوفني وانا مطنشه . .
دقايق ويوصل لي مسج وفيه :-

لو ادري اني فـ منامي اشوفج . . حرام لا اقضي دنيتي كلها نوم

من القلب ^^ . .

انا : منصور عن هالحركات البايخه . .
منصور : حركاتي كيفي . . والله حاااااله
انا اقوم واطلع برآ

وانا امشئ برا . . ضميري يأنبني . . ياخي ليش اعامله جيه انا احبه بس مب قادره ابين له . . اخاف ابوي لا درى يسوي لنا الف سالفه و سالفه . . مب متحمله انا

بس اطمن ياقلبي محد يدخل القلب غيرك انته بس ياغلاي . . >> لمنصور

ادخل الصاله . . واشوف منصور و حامد قاعدين يسولفون و يضحكون >> اقول فخاطري الله لايفرقكم ان شاء الله وابتسم و اروح غرفتي . .

خطر فبالي اطرش هالمسج لمنصور بس خفت حامد يقراه . . عقب غيرت رايي . .
نزلت تحت . . وشفت حامد بس ومنصور محد !!

انا : حموود وين منصوور ؟
حامد : ظهر يرمس فـ الفون . .
انا (( ومنقهره )) : اهاا اكيد يرمس وحده من ربايعه
حامد : وانته شوه لج برايه . .
انا : انزين ماقلت شئ . . اووف ملل ياخي طلعني ابا اسير السوق
حامد : شوه انا ماعندي شغله غيرج . .
انا : بليز فديت خشمك . .
حامد : والله مافيني . . نبا انسير الصناعيه بعد شوي . . ابويه مطرشنا
انا : خلاص عيل
حامد : دقي لبنات عمج اذا بيسيرن خليهن يخطفن عليج . .
انا : اوكي بس استحي ولا اقولك يالله بشوفهن . . واسير صوب الفون

وكلمتهن . . وقالن بيخطفن علي بعد صلاة العصر . .^^ فرحت انا عاد

قلت فـ خاطري . . ليش ماطرش المسج لـ منصور . . اللحين عشان يبند عن هال××××ه اللي يكلمها . .

وطرشت له مسج يقول :-
لا تحاول تختبرني . . انا مو قد اختبارك . . حتى لو فكرت اعاند . . ضحكتك تكسر اعنادي . .

وشوي ويدخل. . خفت . . حسيت قلبي بيوقف . . امشي سرررعه وادخل الحجره .

ترييت مسسج منه بس . . !! ماوصلني شئ . .
طلعت وخليت عمري عاااااااااادي . .

(( حامد يدري انه منصور يحبني . . ))
منصور : الغالي سيري يبي ماي حقي و حق حمودي . .
انا : ههاي ضحكتني . . والله اللي يسمع تمشون لي راتب اخر الشهر قم انته
منصور : اوكي الغالي >> وسار اييب المااي

تلبست و رحت السوووق . .

تاخرت . . وصلت البيت الساعه 10 فليل . .

اول مادخلت . . منصور و حامد فـ الحوش وشكله حامد معصب . .

حامد : الحمدلله ع السلامه . . لو ماييتي
انا (( القلب يدق )) : والله انا مخصله بس بنات عمي اخرني
حامد : تتحسبين انتي محد وراج ولي >> وايد كان معصب مادري ليش
منصور : >> دآش عرض . . هيه صح مب حلوه فـ حقج يايه هالوقت >>
انا : جب انته مايخصك
حامد . . يصفعني طراق جدامه >> مادري شوفيهم هاليوم ودخل البيت . . انا منصدمه ومتقفطه يصفعني جدام منصور . .

منصور تلوم واايد . .
انا : الله ياخذك يامنصور . . والله يلعن اليوم اللي ييت فيه البيت . .
منصور : خييييييبه ليش عاد . . والله ماكنت اقصد اني ادخل بينكم السموحه منج . انـا : فكنا يالله
منصور : الله يسامحج يالغالي . . دامها طالعه هالشتيمه من خاطرج والله اني استقبلها كم (( ......)) عندي غيرج
انا امشي و ادمع بس عشان الكف عشان الكلام اللي قلته . . آلله يسامحني
اسفه ياااااااااقلبي اسسسسفه

ومن عقبها صرت ما اكلمه و لا يكلمني

خلصت مدة الاجازه . . وصاروا يرتبون الشنط . . واليوم موعد السفر
7 / 3 /2008> مآنسسسسسسسسسسى هاليوم ابدا

مانزلت تحت . . سلمت على حامد و طلعت الغرفه . . ماسلمت على منصور
طرش لي الخدامه و يقول لها تقولي
الخدآمه : يالله انزل تحت . . ماما يريد
انا (( اعرف انه امي ماتباني لاني امي محد )) : روحي قولي لماما . . ماريد انزل اوكي و ماريد اسلم عليك . . >> اقصد منصور

وردت الخدامه تقولي : ماما يقول عشان انتي . . هيه وااااااااايد تحبج >> منصور اللي يقولي جيه

واقول فـ خاطري >> وانا اموت فيك ياقلبي

وسافروآ . . وليت ماسافروآ . .

الساعه 12 فليل . . حد يدق الباب . . .

انا : بسم الله منوه ياي الحين . .
ابطل الباب . . !!
حامد دآش والغتره على الكتف . . عيونه حمر . . قلبي وقف . . اول كلمه نطقتها . .
انا : منصور وين . . منصور شفيه
حامد ساكت ويمشي . . اول مره اشوفه يصيح هالكثر . .
انا : حامد حبيبي شفيه منصور وينه . . ليش ماسافرتوا . . شوه صاااااااااار
حامد : انجبي >>
انا : مابنجب قولي شوه صار
حامد : شوه صار بعد . . سوينا حادث . . >> يقولها كلمه كلمه حرف حرف . .
انا : ومنصور وين . . ؟
حامد : منصور رآح مابغى يسافر وياي . . اختار التراب اختار الثرى
انا : مافهمت حاااااامد ارمس عاد دخيلك وقفت قلبي
حامد : فهميها عاد . . منصور مااااااات رااح . . ارتحتي ماكنت تدعين عليه هذاك اليوم . . ياليت ربي خذ روحج قبل لا ياخذ روحه

>> شدراه بالسسالفه . . اكيد منصور قاله ااااااااااااااااااااااه ياقلبي

انا وحاطه يدي على فمي ومنصدمه مب مصدقه كيف الغالي راااااااح كيف الغالي مات وماسلمت عليه . . كيف راح قبل لا اقوله اني احبه . قبل لا اراضيه . .

اااااه ليته يرد دقيقه بس ابي اقوله اني احبه . . واني ماقدر اعيش بدونه . .
هو قال انه ماراح يزوج وحده غيري وحلف . . وبيني وبين نفسي اقول وانا والله ماخذ واحد غيرك . .
ليتني قلتها بصوت عااااااااااااالي . . والله والله يالغالي ماخذ واحد غيرك اتم عانس ولا ازوج . . هذا اذا تميت عايشه بدونك . . مضت سنه وانا عايشه على ذكراك

الله ياااااخذ رووحي . . ليتني مادعيت عليك . . ليتني يوم قصدت قعدت اناظر عيونك . . ولاقفيت ورحت .. ليتني قلت له الغالي سمني الغاليه ياحلات كلمة الغاليه من ششفايفك . .

ياااحسرتي محبوبي راح عني . . وخلاني فـ هالدنيا . . خلاني وراح . . بتم احبك ليوم المماتي . . والله ماحب حد غيرك انته سكنت القلب وا لفؤاد . .

شوه تنفع الكلمات وانته فوق السماء . . فوق يالغالي . . رحت وليتني نزلت اسلم عليك . . الله ياااااااااخذ رووحي ياروحي ياقلبي . .

ياناس اشكي لكم حالي . . هذا حالتي لهالدقيقه . . شسوي بحالي انتحر . . والله لو ربي ماحرمه لانتحرت اليوم قبل باجر . . قولوا لي حل يخليني اخلي هالدنيا واتبع محبوبي . .

احبك اعشقك واهواك وابقى لك على ذكراك اه يابعد قلبي . .

ادعوا وياي . . امانه . . !!

اللهم تغفر لمنصور . . وتجعل مثواه الجنه . . اللهم يافارج الهم ياكاشف الغم تسكن منصور جناتك . . يارب تغفر له ذنوبه . . يارب ترحمنا برحمتك . . استغفرك اللهم من كل الذنوب والخطايا . . اللهم اغثنا . . اللهم سق يارحمه . . اللهم اغفر له الذي
شهد لك بالوحدانيه و بينيك بالشهاده ومات على ذلك اللهم اغفر له ارحمه
. . وعافي عنه و ارحمه واكرم ووسع مدخلهم و اغسله بالماء والبرد و نقيه من الذنوب من الخطايا و ارحمه اللهم برحتمك . .

اللـــــــــــــــــهم امين . .

هذا حالتي . . انا (( غـــــــــلآ منصور )) . . والله يكون فـ حال حـٍآمد اخوويه

ادري استاهل . . بس هو مايستاهل . .

القصد من كتابتي لهالقصه هي . . :

اذا عندك شخص يحبك حبه . . لانك لافقدته وربي بتحس بقيمته . . خلوا الانانيه بعيد عنكم والله بتندمون . . مثلي انا . .

يارب ترجع كل محبوب لمحبوبته . . بس انا محبوبي راح . . ماقدر اشوفه اه يابعد روحي . . رحت وخليتني اعاني بدونك . . ماحسيت فيك وانته حي سااامنحي ياقلبي سامحني على كل كلمة خطيت فيها وياك . . اباك تسامحني . . ياربي سامحني . . ياربي خذ روحي . . مالي مكان فـ هالدنيا بلاه . . رد يامنصور بقولك على النسبه . . اللي كنت تنتظرها . . تعاااااااال يالله خلصت اول سنه جامعه تعال اخطبني والله بوافق والله بس رد.......................

صدق صدق ماآ قدرت احبس دموووووعــي.. الله يرحم منصووور ..!ْ~

وإن شاآآآء الله الكل يعتبر من هالقصه ... ولا تنسوون اظهروو مشاعركم للي حولكم قبل فواآآت الأواآآن .. !!!ْ~:sad:

منقووووووووووووووووووووول