السوم داخل المنتدي وخارج المنتدي والسوم القديم والجديد
 

بسم الله الرحمن الرحيم

الاحظ بعض الناس في المنتدي يزعل من السوم خص اذا كان السيارة مسيومه خارج المنتدي بأكثر من السوم السومه لا تلزم البياع بالبيع بل هو في الخيار اما انه يبيع ولا يقلد بالسوم

وبعض الناس وخص في الجيوب تصير السيارة مسومه في بدايه الشتاء مثل ب، 50000 وتلقاه يقلد بالسوم الى طلوع الشتاء وطلوع الربيع وهو يقلد بالسوم وهذا مهوب صحيح لن اللجيوب ترتفع في بدايه الشتاء ونهايته يطيح فيها اكثر من 8000 ريال للمعلوميه

وبعض الناس يقول السيارة مسيومه خارج المنتدي باكثر وبعضهم يقول انا شاري بكذا وبغي اترزق الله وشلون تخصرني طيب انت شاري غالي وش لون تبي ترزق الله ونت شاري فوق المعقول

وبعض الناس يقول لا تسوم الى من القيمه الفلانيه طيب يمكن سيارتك ماتسوي وتحديد السعر مهوب انت تحدده السوق الى يحدده

وفي النهايه ابغاء انبه لن السوم مايزعل ولا يزعل المفوروض مايعرض ولا الثانيه عدم تحديد السعر للسوم مثل يقول لا تسوم اقل من ثلاثين

هذا والله اعلم

وبالله التوفيق اخووكم مربط القعاسي