يا وجودي وجودي يا وجودي يا وجـودي وجـود ام العيالـي
يوم ساقوا ولدها للقصاص وبارز السيـف يقطـع فـي وريـده



قصتـه دون عـرض ودون مالـه محتميهـا بحـدّاد السلالـي
زلّ في ولـدّ عمـه يـوم جالـه يقصـد الشـر والله لا يعيـده



واحكموه المشايخ و المحاكم وافتدوا ذبحتـه مـن كـل غالـي
ولا تنازل كبير القوم عنـه وقـال ذبحتـه ذا الرغبـه الاكيـده



من هجوس لجت في وسط جوفي وللهواجيس في الصدر اجتوالي
ويقفي اليوم وتروح الليالي وابـن حمـري هواجيسـه تزيـده


من يوّصل جوابي لابن عمى شاعـر القـوم حمـاّي التوالـي
عند مضواح بن شتوي الحبابي شوفة الضيف عنده يوم عيـده


يابن شتوي عسى منهو تركني فـي محلـي تناقصـه الرجالـي
طيحتي عز والمعروف يبقى وابشـر بصاحبـك عنـد الشديـده



اضربوني العساكر يابـن عمـي واربطونـي وخلونـي لحالـي
وسط زنزانـة لا نـور فيهـا واقبلـت جـرة الحـزن البليـده



عقب كنا ثلاثه فـي ثلاثـه يـا ثلاثـه وانـا شلـت الثقالـي
اللواء طلّع البلقـان منهـا والعـرب زرقـوا لـه ذا الشريـده



يالله انك تفرج كل ضيقـه بامـرك الهـون يـا رب الجلالـي
وانت ياللي توصله جوابي فأعطـه الخـط مـن يمنـاك بيـده



لشاعر / علي بن حمري

والقصيدة أكثر من كذا ولكن هذا اللي حصلت عليه :)