|
قصيدة التميمي بندر اليحيى الناصري التميمي محكوم عليه بالقصاص وله بالسجن تقريباً 8 سنوات فك الله أسره قـال التميمـي والتميمـي بـنـدر دنيا الفنـا لا بدهـا مـن دبورهـا من عـاش بالدنيـا سنيـن طويلـه يشوف مايبحـث خفايـا امورهـا تشـن غـاره وتبـحـث خفـايـا ظلمها غطت فـي سمانـا بدورهـا فـتـانـة عـجـابـة لـعـابــة وسم الحيايا رايـب فـي ثغورهـا تزخرفت للجاهـل اللـي تشوفـه وأقبل لها نشوان يقطـف زهورهـا غرتني بزهـرة شبابـي ودهتنـي أدهى دواهي الداهيه من دهورهـا وأنا صغير السـن بالغـي غافـل نشوانة روحـي بلجـة عطورهـا فاجأتني ماتميـت عشريـن حجـة لين أغرقتني في غياهـب بحورهـا جرالي من أسباب الليالي حـوادث ونفسي توارت من عناها سرورهـا وأصبحت في سجني دريك مجنـد لفي غبت صعـب علينـا عبورهـا صبرت لين الصبـر يانجـد ملنـي ومزن الفرح شحت علينا بكورهـا ياما سهرت الليل في هجعت المـلاأ بكي من صروف الليالي وجورهـا عـزاه ياعـزاه ياحنـون تحـنـي وأرجي عظيم الشان يجبر كسورها أمي عليها اليوم فاضت محاجـري تزورني من عقب ماكنت أزورهـا لولاها يابن صقيه ماضاق خاطـري ولا شكيت أيامهـا مـع شهورهـا ماهبت من موتـي ولابـي مخافـة أصبر ولو صاليت حامي حرورها على النقا مانيب من يجلـب الخنـا كبوة جـواد واطحنتنـي بزورهـا ذالي سبع سنيـن أصيـح وأنتخـي وأبكي رجال دفنـت فـي قبورهـا أصيح وأنخى واعتـزي وأتعـزوى في لابـة ماحسبـت لمخسورهـا أنخـى نفـوس للمعالـي رفيعـة يموت الردى طول المدى مايزورها أنخى رجـال للصعيبـات ترتكـي تسبق خطاويهـا ركايـب سبورهـا أنخـى ولـي لابـة تعشـق الثنـا في ساحة الهيجا يشرف حضورهـا أنخـى عشايرهـا وذروة سنامهـا كواكب هـدي المسـاري بنورهـا أنخى المعمر والعناقر وبني سعـد اللابه اللـي للمـلا بـان دورهـا وأنخى الشبارم والمعاضيـد كلهـم هل الراي لامن ضاع للناس شورها وأنخى الماضي والمزاريع ومن لهم اللي غشت بيض المدايح قصورهـا وأنخى على الفزعه جموع النواصر الندر اللي من مجانـي اصقورهـا وأنخى هل الحوطه هل المجد كلهم عنابـر للضيـف تذبـح لخورهـا سلايـل العنبـر مقاديـم عـمـرو مفنين جمع الترك ماضي عصورها ياكرام اللحـى يالابـة العمرويـه مقـادم للمـوت تفتـح صدورهـا أنخاكم وأنخـى اللابـة الحنظليّـه اللي مع الأفعـال توفـي نذورهـا تميـم ياعـزي وياتـاج راســي قبيلـة محـد وطـا ظـل سورهـا تميم يابحر النـدى لطامـت العـدا أنتم لها من يوم صكـت عسورهـا من دوحة الأمجـاد لقفـار حايـل نـدّر حـرار بالمعالـي وكورهـا أنتم هل الفزعـات حفاظـة الشيـم ياهل اليمان اللي طـوالٍ شبورهـا يشهـد لكـم تاريخكـم والقبـايـل وصفحات مجد حافظين سطورهـا وهذه القصيده بصوته http://www.youtube.com/watch?v=05W6jX6vAOE |
| الساعة الآن 12:43 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir