|
كبسة الحاشي ..)( مقلقل جرجس )(..مع اخي قنوع وابورواسي... السلام عليكم قبل اسبوع تقريبا كنت في رحلة عمل مابين الرياض والقصيم وبعد ما خلصت شغلي في بريده دقيت على شقيقي ابو عبدالعزيز ( عضو مكشاتي باسم - قنوع - ) وبرفقته اخونا ابو رواسي احد اعضاء مكشات وكانوا يتمشون في احد المناطق على طريق المجمعه - حفر الباطن حول الارطاويه الشاهد دار الحوار السريع بيني وبين اخوي قنوع : وينكم ؟ :: ابد قريبين . : وين قريبين انا طلعت لي مع مفرق من خط القصيم قبل الزلفي مكتوب فيه - الزلفي حفر الباطن؟ تحرى اقرب ؟ :: حلو ازين انك جيت معه .. المهم اذا وصلت الارطاويه اتجهه للمجمعه وخذ بعض الاغراض من ام سدره وانتظرنا في الشعيب اللي بعدها شوي ونجيك : خير انشا الله نشوفكم على خير المهم وصل وتقضيت ونزلت الشعيب ووصلوا الشباب الله يجزاهم خير وقفت موتري على الخط - صني ايجار - ودخلنا في الشعيب شوي والله وما قصروا الشباب ضبطوا الجلسه وبدا الشغل العدل شوي جرجس يحبه قلبكم وفيه شحيمات يا الله من فضلك اترككم مع صور اعداد مقلقل الجرجس هذا انا ولا تلوموني مبطيييييييييييييييييييي عن صيد البر المقلقل زااااااااااااهب نرجع للحيمات ( كبسة حاشي في الكاتم اعداد ابو رواسي - قنوع ) والله ونعم يا شباب غمرتونا بكرمكم الكبير ابو عبدالعزيز - قنوع - الله يحرم هالوجه عن النار - امين وضع المقلقل فوق الكبسه ( حتى يكتمل العطاء ) تفضلوا حياكم الله ههههههههه نهاية الرحله وترتيب الاغراض في موتر الاخ قنوع - ما شا الله تجهيز عال العال الله يبارك لك فيه _ والحمد لله حركنا للعوده الى المجمعه حيث منزل اخي قنوع ومنها في اليوم التالي الى الرياض والحمد لله تمت الامور على خير اتمنى ان يحوز تقرير هذا على اعجابكم واعذرونا على التقصير في حق خيمة الصيد البري اخوكم ابو فهد HADER |
| الساعة الآن 01:36 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir