|
{ للأسف ضاعت سنيني حطمتني ذكرياتي ,,, كم عنيت امن الألم والعين من دمعي صريعه } ... يديدي .. حياكم السلام عليكم ورحمة الله وبركاته وبعد ,, مشاعر ٌ لا تنتهي .. وقلم ٌ ينزف ُ باستمرار لربما كنت أنا كذلك ,, :::: لكم اليديد مني يا أعضاء ^,^ أعاتب قلبي المسكين .. في قصيده بعنوان : ~ { صرت واطي } ~ اتمنى انها تنال على اعجابكم ,, أقول : لــيش يا قلبي تسوي هالبشاعه فـي حياتي طــحت من عيني بعد ما كان قدرك في رفيعه صــرت واطي مــــا تعادل لـو بقول انك وطاتـي مــا تعادل وطْــيتي يـــا للأســـف حالك لويعـه يــخدعونك فــي سهوله مــــا تبالي ما تحاتي آه منــك ما بقالي شي ضاقت بــي الوسيعه قـلت يا مسكين انته وش تسوي في صفاتي صــرت ما أسوى تراني من سواياك الفضيعـه مبتلــش منك قليبـــي مــــاقدر انــــي أباتي ساهر ٍ واعــي أشوف العمر أيـــام ٍ سريعـه لــي متى بتظل طايش لاهي ٍ اصحى غناتي مــا رأيت الا سواد الويــــه منك والــــــوجيعه آه انـــا ضايع وتايــــه فـــي زمن زوّد شقاتــي كــل يوم ٍ لـــه قليب ٍ فــــي متــاهاتــه يبيعه للأسف ضاعت سنيني حطمتني ذكرياتـــــي كم عنيت امن الألم والعين من دمعي صريعه يــا قليبــي كـــم بعلّم فيك وانته في سباتي كــم أقــــول انّ الدَهَر ان ْ ما يطيعك لا تطيعه لا تعــــــــــاند يـــا قليبي العمر روّح وفــاتــي وانتهى وقت الجشع بي وابتدت لحظه مريعه ويش أسوي فــي قليبي ابتدت لحظة وفاتـي ما نفعني طيش قلبي فــي سواياه الشنيعه شعر : خالد بن عويد الشامسي |
وعليكم السلام والرحمه صح منطوقك شاعرنا والله يعطيك ألف عافيه الصراحه ماعندي تعليق على قصيدتك لإني ما بعرف شو أقولك وإذا قلت آخاف أقصر في حقك :( كل اللي أقدر أقوله الله يفرجها إن شاء الله :) يــا قليبــي كـــم بعلّم فيك وانته في سباتي كــم أقــــول انّ الدَهَر ان ْ ما يطيعك لا تطيعه ياما وياما قلناها بس ماشيء فايده :( تسلم شاعرنا ع الطرح المتميز والله يعطيك ألف عافيه ولا تحرمنا من كل يديد من صوبك |
عليك السلام ورحمه الله وبركاته صح لساااااانك واعتلااااااا شااااااانك هالقصيده الغاوي أشهد ان الكلمات تدخل في الصميم وقووووووووويه الصرااحه يــخدعونك فــي سهوله مــــا تبالي ما تحاتي آه منــك ما بقالي شي ضاقت بــي الوسيعه يا سلااااااااااااااام عليك طررررررررررميقا يالشاعر سلمت خوويه النورس ع الطرح الغاااااااااااااوي يعطيك الف عافيه ونترقب اليديد تقبل مروري..^^ |
, , اخوي الكريم :: النورس :: طرنا بحروفك بعيد لله درك احساسك الروعه انت مذهل .. وهذا الي اشوفه ابدعت , , , مختلف |
سلمت اناملك وصح لسانك لقد رايت في كلمات وبين اسطرك الجمال والروعه والمعاني المعبرة والله يعطيك العافية تقبل مروري |
| الساعة الآن 08:27 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir