جمهور الوحدة
 

السلام عليكم

بصراحه انا عندي موضوع ومقهور منه.. ياليت حد يدور لي عذر مقبول



اريد اعرف ليش مايحضرون المباريات؟!

بس يعرفون يقولون الدوري وحداوي.. والحضور محد!!

والله قبل عسبت اخذ لي مكان في المنصه احضر المباره قبلها بساعتين عسبت احصل مكان حلو

بس الحين احضر المباره قبلها 10 دقايق والله اني احصل مكان ولا مكان حلو في النص!!!

ش السالفه؟!

الاداره مو مقصره.. الدخول ببلاش..في مباريات ع ملعبنا ولا برع ملعبنا ببلاش!!

بس جمهورنا مايبغا جي.. يبا ستار بوكس يمكن وشيشه ومدواخ وكشخه وغتره وعقال!!


امس افتح الجريده ولا اشوف المدح في جماهير النصر والوصل.. هاذيل ماينافسون وشوف المدح في الجماهير


ونحن فريقنا الاول.. ومادري ش السالفه بالضبط!!

ولو تلاحضون ان كل تصاريح اللعيبه والاداريين في هذه الايام.. كله عن الجمهور

والله فريقنا ناقص له الجمهور.. وينكم ياجمهور الوحده!! والله عيب عليكم


ولا بعد فارس عوض لما دخل هدف بينغا

قال سرعه الشوته 110 و افرح يا جمهور 107


اريد اعرف وينهم 107؟!!!!!!! هذه صدق تعجب!!!

بس الي يحضر منهم يمكن 5 وكل مباره اشوفهم ماقصرو


الله يرحهم ايام قبل.. وربي107 يترسون كامل المنصه.. وبعد نصهم في المدرجات العاديه


نبغي فزعه 107

يا 107 نبغي فزعتكم وادري انكم قد الفزعه

واذا جمهور الوحده فيهم فزعه بنشوفهم جدام مباره الوصل

الي في يوم السبت يعني يوم حلو والساعه 8:30 توقيت جيد جداً جداً


اسمحولي اذا طلعت برع الموضوع.. بس والله اريد ادخل المباره واشوف الجمهور فل او شبه فل

وهو بس الوحده ..؟!


معظم الفرق لا تأتي الجمهور لها مطلقاً مع انهم من المنافسيــن ..


..

هيه والله صدقك

بس نحن متصدرين

لازم نشوف المساندة الجماهيرية

تسلمون عالمرور

المفروض نسندهم

هم محتاجين لنا مثل مانحن محتاجين لهم لتحقيق البطولة