|
قدرة خليلية مع سلطة .. مية مية .....! السلام عليكم ورحمة الله مســــــــــــــــــــــــــــاء الخــــــــــــــــــــــــــــــــير حبايبنا كيفكم شو اخباركم ان شاء الله تكونوا بخير هذي طبخة واكلة من الأكلات اللي احبها وهي قدرة خليلية وواضح من اسمها ان الأكلة فلسطينية وتحديدا من مدينة الخليل ( الله يعيد لنا الأقصى عما قريب ويكتب لنا الصلاة فيه ) وهذي الأكلة من الأكلات القديمة واللي كانت تطبخ بقدور نحاسية او من فخار ومن يذهب الأردن سيجدها في مطاعمها وخاصة في مدينة عمان وتحديدا في مطعم اسمه قصر الغابة وانا ما اكون بالأردن إلا اميل على هالمطعم لأنه افضل واحد يضبطها ويعملها بالفخار واذا كنت بالفندق او بالشقة وكسلان لا تطلع تتغدى اطلبها من المطعم وهم يرسلون هالأكلة لك بفخارة وهي مثل الكبسة بس ميزتها انها تطبخ بالفخار اللي يعطيها طعم ونكهة غير وايضا اضافة حب الحمص لها وفيه بهار خاص فيها دورته بس للأسف ما لقيته حولي وطبعا الأفضل والمعروف عن هالأكلة انها تطبخ بلحمة لكن انا طبختها بكم قطعة دجاج المهم وش لكم بالطويلة خلونا نجهز الطبخة وتراه غداي اليوم واللي مو مصدق يلمس القدر :p نقطع البصل على بال ما يحمى الزيت بهالقدر الأحمراني الحلو اللي هو شغل باكستان بس نخلي شوي من البصل وشوية بندورة ويمكن فيه اضافات من عندي وما هي موجودة بالخلطة الخليلية ثم نطش قطع الدجاج هذي البهارات والمطيبات ملح فلفل اسود بهار ابيض كزبرة كمون لومي مطحون وبهار كبسة متعوب عليه ورق غار عودين قرفة حبتين هيل وعود نصب الماء المغلي ثم نشيل بعض الزفرة نغطيه ونخليه على راحته قاعدين وما ورانا شيء على بال الدجاج ما يستوي خلوني اروح اجهز الرز ويكون بقدر ثاني باقي البصل وكم حبة ثوم ثم الحمص الحب وآخر شيء الرز المنقوع وشوية ملح ونقلبه نرجع للطبخة ونشوف وش صار فيها ايوه تمام نطلع الدجاج طبعا اهل الخليل يحطون الرز واللحم مع بعض انا طلعت الدجاج عشان احمره بالفرن واخلي الرز يطبخ لحاله نسكب الرز ونغطيه اولا على نار قوية ثم نخفف الجميرات من تحته عشان يطبخ على راحته ومثل ما قلت لكم قاعدين وما ورانا شيء ندخل الدجاج بالفرن للتحمير |
| الساعة الآن 06:11 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir