|
من لوازم مطاردة الأمطار خذ نسختك قبل نزول المطر هديه من ^ مزون المدينه ^ السلام عليكم ورحمة الله وبركاته والله إني متحمس لأيام الخير أيام الأمطار الله يجيبها في أسرع وقت ... أنا من محبي مطاردة الأمطار وعند مطاردة المطر من الواجبات أشغل هذه القصيده .. اليوم جايب لكم قصيده للمطارده شغل المسجل وألحق السحاب ... إذا جاء وقت المطر خذ نسختك .. وهذي أبياتها الجميله الوسـم قـرّب يالصبيحـي نصيفـه والجـو خبـرك والمراميـث يبّـاس واذنوبنـا غطّـت بيـاض الصحيفـه لو تنحسب ياصاحبـي مالـه اقيـاس يـارب لاتجعـل خطـانـا نكيـفـه ياواحـدٍ عدلـه للانسـان نـبـراس يـا الله بمـزنٍ هايـلٍ فـي صفيفـه لاشافـه الشايـف تبشّـر بالاونـاس برقـه يشـوق المستخيـل برفيفـه ورواعده ترزم مثل صوت الاجـراس اسبـوع مـا ياقـف علينـا وكيفـه يودع مساهيب الخلا كلهـا اوطـاس من عقبه الاوطـان تصبـح مريفـه وتلبس من صنوف الحيا زين الالباس غرضـك خـوّة كـل نفـسٍ شريفـه اهل الشكاله والجمالـه مـن النـاس لاجـوّا فـي دِعْـبٍ نظيـفٍ غريفـه والورد باطرافه مـن النـود مِيّـاس ثم اضرمـوا بالرمـث نـارٍ كثيفـه وداروا حواليها علـى الـزل جِـلاّس وصفّوا بهـا صفـر الـدلال الهديفـه اللـي مباهرهـا تعايـط بالانـفـاس فنجالهـا يبـرد غليـلـك رشيـفـه عقب الغثا ويصحْصحك عقب الاعماس وسوالـفٍ فـي كـل فـنٍّ طريـفـه ماهي سوالف كـل غـاوي وهـلاّس هـم ذكرونـي فـي ليـال النشيفـه واخذي بها من سجّة العمر مـرواس ايـام ربـعـي للمـطـارد لهيـفـه تضرب على التأخير باخماس واسداس تال الشهر والجيـب تسمـع وحيفـه يم الحزيـم ويـم نـزّاح الارمـاس اديار لـو هـي يالصبيحـي مخيفـه لاهل الولع خابـر تباسيـط واونـاس ذكـرى لهـا عينـي تهامـل ذريفـه والقلب يسبح في بحر كـل هوجـاس تقبلو تحياتي مزون المدينه |
| الساعة الآن 10:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir