|
أوووووزي على الطريقة الشامية مع سلطة خيار مية مية ...! السلام عليكم ورحمة الله مســــــــــــــــــــــــــــاء الخــــــــــــــــــــــــــــــــير حبايبنا كيفكم شو اخباركم ان شاء الله تكونوا بخير هذي طبخة واكلة من الأكلات اللي احبها وهي اوزي على طريقة اهل الشام اكلة مشهورة وسهلة وسريعة التحضير وهي عبارة عن طبخ الرز مع بعض الإضافات ثم وضع هذي الحشوة بعجينة رقيقة تعجن بالبيت او ممكن الإستعانة بعجينة جاهزة المهم ما لكم بالطويلة انا هالأيام ما لي خلق على العجن والرق والمد رحت قبل ايام واخذت لي عجينة جاهزة جربتها وزبطت معي لكن يقولون اللي له حيلة فليحتال وما عليه من العذال انا عملت حبتين اوزي وحدة بالعجينة الجاهزة والثانية غيررررررر خلونا نبدأ بالتحضير طبعا الرز منقوع وهذي مقلاية فيها شوية زيت عشان اجهز الحشوة واللي تتكون من بصل ولحمة مفرومة وبازلاء وصنوبر وملح وفلفل وبهار ابيض البصل مقطع تقطيع ناعم اوي ثم اللحمة الطازجة وطبعا اللحمة اللي تأخذها وتختارها بنفسك من الملحمة ثم تخليه يفرمها هي ألذ وأطعم من اللحمة المجمدة بازلاء اذا هي من محل جديدة لازم تسلق واما اذا مجمدة فهي جاهزة بس يمكن الأفضل سلقها لو دقايق واكيد الصنوبر وملح وفلفل وبهار ابيض نرجع لتحضير الرز ورجاءا لا تضحكون على القدر انه صغيرون تراه على قدي :p نحط الرز وعليه الحشوة وشوية ملح وبهار ونغمره بماء ساخن ونغطيه وهذي الحشوة مع الرز جاهزة يمممم يمممم نجهز التغليفة اللي راح نحط فيها الرز قلت لكم انا عملت حبتين وهذي الأولى انا عندي خبز صاج او مطحن وصراحة جربت هالحركة قبل كذا وزبطت معي وهي حيلة للي ما يحب يعجن او ما لقى عجينة جاهزة طبعا خبزة الصاج كبيرة فكان لابد اني اقصرها بشكل دائري نجيب الوعاء او الطاسة او اي شيء حديد او ضد الكسر ويقاوم الحرارة انا جبت هالطاسة وسدحت خبزة الصاج فيها بس دهنتها بزيت قبل حتى الخبزة ما تلتصق فيها حطيت شوي من الحشوة ثم سكرت الخبزة على بعض ومن فوق ممكن تحط زيت او زبدة عشان الأطراف تلصق مزبوط وغلفتها بقصدير وعلى شوية جميرات ولا تكثر من الجمر وان كثرت لا تخليها تطول لأنه ممكن تحترق الطبخة وترى السالفة بس تحمير وممكن تتحمر بالفرن بس لا تنسى تدهن الصينية بزيت ثم تصف الأوزي وتدخلها على نار هادية وقصيرة لأن السالفة تحمير من فوق وتحت |
| الساعة الآن 08:11 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir