|
طلعة خفيفة ....تصبيرة السلام عليكم جميعا... أنا كنت مسافر لمدة عشرة ايام و قبلها تقريبا ماطلعت البحر لمدة اسبوعين.... يعني إجمالى 3 أسابيع تقريبا.... وصلت جدة يوم الجمعة الماضي و قلت اذا الله راد الخميس بأطلع كالعادة... الى صار إني الصراحة ماقدر اتحمل و صرت متوتر و قلت لا بد من طلعة خطافي لو ابو ساعة.... طبعا انا ما أكلت سمك في الفترة الاخيرة الا سندويتش ماكدونالز فيليه ( تعرفون عاد المضطر).....و كل ماتذكر البحر و السمك يجي على بالي مقلي النجار الى بالبطاطس الى يسويه احمدوعبدو (ماشالله).... المهم قررت يوم الاحد اني احط رجلي بعد الدوام مباشرة (مو قبل ماينتهي)و اتصلت على واحد من الشباب قلتله انا بروح ادور على النجار طرحة وحده انشالله و برجع قلي جمبي واحد نفسه يشوف النجار قلت جيبه ناخذ سهمته و نشوف.....و مريت البنقله اخذت ساردين جديد يفتح النفس الساعه 3 و على البيت اخذت العدة و قابلت الشباب و الساعه تقريبا 5 و نص عصر و احنا في الطينة في رأس حاطبة.....فكينا 3 صقل.... و الحمدلله هذا الى تحصل.... http://www.mekshat.com/pix/upload03/...k53894_two.jpg و هذي بعد..... http://www.mekshat.com/pix/upload03/...k53894_one.jpg و طبعا اغلب الحوت كان على المغرب و بعدها الشباب اصروا اننا نجلس (مع الحماس) و جلسنا ساعتين تقريبا بدون فائدة الى 9 و نص مافي غير الرزقان.......... و و صلت البيت متأخر و راح على الوقت وماسويت النجار الى بالبطاطس لكن الحمدلله فك التوتر و ارتحنا و الضيف شاف النجار و جاب له حبه كمان..... الموضوع احطه لكم اليوم للتنشيط مع الويكند - الهوا أزيب و اتوقع انه تقارير الاسبوع ذا مميزة.......بالتوفيق للجميع..... أنتهي..... |
| الساعة الآن 05:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir